இந்திய பங்குச்சந்தைகள் இன்று உயர்வைச் சந்தித்தன. மும்பை பங்குச்சந்தையின் குறியீட்டு எண் சென்செக்ஸ் முதன்முறையாக 46 ஆயிரம் புள்ளிகளை தாண்டி புதிய உச்சத்தைத் தொட்டது.
மும்பை பங்குச்சந்தையின் குறியீட்டு எண் சென்செக்ஸ் இன்று சுமார் 154.45(0.34%) புள்ளிகள் உயர்ந்து 46,253.46 புள்ளிகளில் தனது வர்த்தகத்தை நிறைவு செய்தது. அதேபோல, தேசியப் பங்குச்சந்தையின் குறியீட்டு எண் நிஃப்டி 44.30 (0.33%) புள்ளிகள் உயர்ந்து 13,558.15 புள்ளிகளில் வர்த்தகத்தை நிறைவு செய்தது.
ஏற்றம் - இறக்கம் கண்ட பங்குகள்
அதிகபட்சமாக ஓஎன்ஜிசி நிறுவனத்தின் பங்குகள் 5 விழுக்காட்டிற்கு மேல் உயர்ந்து வர்த்தகமானது. அதேபோல சிப்லா, இந்தியன் ஆயில் உள்ளிட்ட நிறுவனங்களின் பங்குகள் ஏற்றம் கண்டன. மறுபுறம் ஈசர் மோட்டார்ஸ், ஹீரோ மோட்டர்ஸ், எச்.டி.எஃப்.சி., டெக் மஹிந்திரா உள்ளிட்ட நிறுவனங்களின் பங்குகள் சரிவைச் சந்தித்துள்ளன.