நிதியமைச்சரின் 4 மணி சந்திப்பில் என்ன எதிர்பார்க்கலாம்?

டெல்லி: மத்திய நிதியமைச்சர் நிர்மலா சீதாராமன் இன்று மேற்கொள்ளவுள்ள செய்தியாளர் சந்திப்பில் நடுத்தர வர்க்கத்தினருக்கு சலுகைகள் அறிவிக்கப்படும் என எதிர்பார்க்கப்படுகிறது.

கரோனா பாதிப்பால் ஏற்பட்டுள்ள பொருளாதார முடக்கத்தைச் சமாளிக்க 20 லட்சம் கோடி ரூபாய் சிறப்புப் பொருளதார சலுகையை பிரதமர் நரேந்திர மோடி அறிவித்தார். அதன் விரிவான விவரங்களை மத்திய நிதியமைச்சர் நிர்மலா சீதாராமன் கடந்த இரு நாள்களாகத் தொடர்ச்சியாக வெளியிட்டுவருகிறார்.

அதன்படி முதல் நாள் அறிவிப்பில் சிறு, குறு வணிகர்கள் பயன்பெறும் வகையில், வங்கிகள், வங்கிசாரா நிதி நிறுவனங்களுக்குக் கடன் வழங்க பிரத்யேக நிதி ஒதுக்கப்பட்டுள்ளது. மேலும், சிறு, குறு நிறுவனங்களின் உச்ச வரம்பு மாற்றி அமைக்கப்பட்டுள்ளது.

இரண்டாம் நாள் அறிவிப்பில், விவசாயிகளுக்கான கடன் தொகை உயர்த்தி வழங்கப்படுவதாகவும், குடிபெயர்ந்த தொழிலாளர்களைப் பாதிப்பிலிருந்து காக்க அடுத்த இரு மாதங்களுக்கு இலவச அரிசி, கோதுமை வழங்கப்படும் எனவும் அறிவிக்கப்பட்டது. இதற்காக 1.7 லட்சம் ரூபாய் கோடி சிறப்பு நிதி ஒதுக்கப்பட்டுள்ளது.

மேலும், 'ஒரே நாடு ஒரே ரேஷன் கார்டு' திட்டத்தை நடைமுறைபடுத்தி, அடுத்த மார்ச் மாதத்திற்குள் அனைத்து மாநிலங்கள், யூனியன் பிரதேசங்களில் முழுமையாகச் செயல்படுத்தப்படும் எனவும் தெரிவிக்கப்பட்டுள்ளது.

இந்நிலையில், இன்று மாலை 4 மணியளவில் மூன்றாவது செய்தியாளர் சந்திப்பை நிர்மலா சீதாரமன் மேற்கொள்ளவுள்ளார். இந்த அறிவிப்பில் நடுத்தர வர்க்கத்தினர், தொழில்முனைவோர், வரிவிதிப்பு ஆகிய அம்சங்கள் குறித்த அறிவிப்புகளை அவர் வெளியிடுவார் என எதிர்பார்க்கப்படுகிறது.

இதையும் படிங்க:அரசின் அறிவிப்பு நிச்சயம் பணப் புழக்கத்தை அதிகரிக்கும் - ரிசர்வ் வங்கியின் முன்னாள் துணை ஆளுநர்