பொருளாதாரத்தை சீர்குலைக்கும் உருமாறிய கரோனா!

2021ஆம் ஆண்டில் இந்தியாவின் பொருளாதார வளர்ச்சி, 9.6 விழுக்காடாக இருக்குமென மூடிஸ் நிறுவனம் தெரிவித்துள்ளது. உருமாறிய கரோனா தொற்றால் பொருளாதார மீட்சி என்பது ஆமை வேகத்தில் இருப்பதாகவும் அந்நிறுவனம் தெரிவித்துள்ளது.

டெல்லி: நடப்பாண்டில் இந்தியாவின் பொருளாதார வளர்ச்சி, 9.6 விழுக்காடாக இருக்கும் என ‘மூடிஸ் இன்வெஸ்டார்ஸ் சர்வீசஸ்’ நிறுவனம் அறிவித்துள்ளது.

இதற்கு முன் வளர்ச்சி, 13.9 விழுக்காடாக இருக்கும் எனக் கணித்துஇந்நிறுவனம் அறிவித்திருந்த நிலையில், தற்போது அதைக் குறைத்து, 9.6 விழுக்காடாக இருக்கும் எனத் தெரிவித்துள்ளது.

மேலும், ஜூன் காலாண்டில் பொருளாதார சரிவை தடுப்பதில், வேகமாக தடுப்பூசிகளை போடுவது முக்கியப் பங்காற்றும் என்றும் தனது அறிக்கையில் மூடிஸ் குறிப்பிட்டுள்ளது.

தற்போது மாநிலங்கள் தடை உத்தரவுகளை தளர்த்தி வருவதால், பொருளாதார மீட்சி தொடங்கியுள்ளது. அடுத்த 2022ஆம் ஆண்டில் பொருளாதார வளர்ச்சி ஏழு விழுக்காடாக இருக்கும் என்றும் கணிக்கப்பட்டுள்ளது.

கரோனா தொற்று குறைந்த வரும் சூழலிலும், உருமாறிய கரோனா தொற்றின் தாக்கம் தொடர்ந்து இருப்பதால் பொருளாதார வளர்ச்சி குறைவாகவே இருப்பதாக அந்நிறுவனம் கூறியுள்ளது.