குர்கான் (ஹரியானா): தனது தயாரிப்புகளில் கேடு விளைவிக்கும் ரசாயன கலவைகள் சேர்க்கப்படுவதை நெஸ்லே நிறுவனம் ஒப்புக்கொண்டுள்ளது.
சுவிஸ் நாட்டைச் சேர்ந்த நெஸ்லே தயாரிப்புகளில் பெரும்பாலான உணவுப் பொருள்கள், திண்பண்டங்களில் 37 விழுக்காடு மட்டுமே ஆஸ்திரேலிய ஹெல்த் ஸ்டார் தர நிர்ணய குறியீட்டில் 3.5-க்கும் அதிகமான புள்ளிகளைப் பெற்றுள்ளதாக தெரிய வந்துள்ளது. அதாவது ஆரோக்கியமானவை என்ற வரையறைக்குள் நிறுவனத்தில் 100 விழுக்காடு பொருட்களில் 37 விழுக்காடு மட்டுமே அடங்குவதாக அர்த்தம்.
இதுகுறித்து செய்தி வெளியிட்டுள்ள 'ஃபினான்சியல் டைம்ஸ்' பத்திரிகை, ஆஸ்திரேலிய நிறுவன தகவலின்படி, நெஸ்லே இந்தியா நிறுவனத்தின் 60 விழுக்காட்டுக்கும் மேற்பட்ட பொருட்கள் உடல் நலத்திற்கு கேடு விளைவிக்கும் என்று தெரிவித்துள்ளது.
மேகியின் கதை
கடந்த 2015ஆம் ஆண்டு ஜூன் மாதம் சுவிஸ் நிறுவனமான நெஸ்லேவின் தயாரிப்பான மேகி நூடுல்ஸ்க்கு தடை விதிக்கப்பட்டது.
இந்திய உணவு பாதுகாப்பு மற்றும் தரக்கட்டுப்பாட்டு ஆணையமானது, மேகி நூடுல்ஸில் அளவுக்கு அதிகமாக காரீயம் இருப்பதாக எழுந்த புகாராலும், எம்.எஸ்.ஜி (மோனோ சோடியம் குளுக்கோமேட்) என்ற சுவையூட்டி குறித்து தவறான வகையில் விளம்பரப்படுத்தியிருப்பதாலும், ஓட்ஸ் சுவை நூடுல்ஸ் போன்ற புதிய தயாரிப்புகளுக்கு உரிய அனுமதி வாங்கவில்லை என்பதாலும் தடை விதிப்பதாக தெரிவித்திருந்தது.
சிங்கிள் டோஸில் கரோனாவைத் தடுக்கும் ஜான்சன் அண்ட் ஜான்சன் தடுப்பூசி!
உணவு பாதுகாப்பு, தரநிர்ணயச் சட்டம் 2006-இன் விதிமுறைகளை நெஸ்லே நிறுவனம் மீறிவிட்டதாகவும் மகாராஷ்டிரா அரசு வாதிட்டது. இதற்கு மேலும் வலுசேர்க்கும் வகையில், அர்விந்த் கெஜ்ரிவால் தலைமையிலான டெல்லி அரசும் நெஸ்லே நிறுவனத்திற்கு எதிராக வழக்குத் தொடர்ந்தது.
இதனிடையே, மேகி மீதான தடையை நீக்கக் கோரி நெஸ்லே மும்பை நீதிமன்றத்தில் மனு தாக்கல் செய்தது. அந்த மனுவில், இந்திய உணவு பாதுகாப்பு மற்றும் தரக் கட்டுப்பாட்டு ஆணையத்தின் உத்தரவு தற்காலிகமானது, உரிமை மீறல் எனக் கூறியது. மேலும், மேகி மாதிரிகளை பரிசோதித்த ஆய்வுக் கூடங்கள் அனைத்துமே அங்கீகரிக்கப்படாதவை என்றும் நெஸ்லே தெரிவித்தது.
மேகி நிறுவனத்தின் மனுவை இன்று(ஜூன் 3) விசாரித்த மும்பை உயர் நீதிமன்ற நீதிபதிகள் வி.எம்.காண்டே, பி.பி.கோலப்வாலா தலைமையிலான அமர்வு பிறப்பித்த உத்தரவில், "மேகிக்கு தடை விதித்து இந்திய உணவு பாதுகாப்பு மற்றும் தரக்கட்டுப்பாட்டு ஆணையம் பிறப்பித்த உத்தரவு இந்திய அரசியல் சாசன பிரிவு 14-ன் கீழ் வழங்கப்பட்டுள்ள உரிமைகளை மீறுவதாகும்" எனத் தெரிவித்துள்ளது.
ஜான்சன் அண்ட் ஜான்சன் பேபி ஷாம்புவுக்கு தடை?
இதற்கிடையில், "தற்போதைய ஆராய்ச்சிகளின் முடிவுகள் மேகி நூடுல்ஸ் பாதுகாப்பான உணவு என்று தெரிவிக்கப்படும் நிலையில், விரைவில் மேகி நூடுல்ஸ் விற்பனைக்கு வரும்" என்று மத்திய நுகர்வோர் விவகாரத்துறை அமைச்சர் ராம் விலாஸ் பாஸ்வான் கூறியது பரவலாக விமர்ச்சிக்கப்பட்டது.
தொடர்ந்து மேகி நூடுல்ஸ் மீதான தடையும் விலக்கப்பட்டது குறிப்பிடத்தக்கது.
