நேருக்கு நேர் மோதிக்கொள்ளும் ரியல் மீ, ஒப்போ.. ஜெயிக்க போவது யார் ?

ரியல் மீ நிறுவனத்தின் ரியல் மீ XT செல்போனும், ஒப்போ நிறுவனத்தின் ஒப்போ A9 2020 செல்போனும் இன்று ஒரே நேரத்தில் விற்பனைக்கு வருகிறது.

உலகில் பல பயனாளர்களைக் கைப்பேசி நிறுவனங்கள் புதிய முயற்சிகள் மூலம் கவர்ந்து வருகிறது. இந்நிலையில் ரியல் மீ நிறுவனமும், ஒப்போ நிறுவனமும் நேருக்கு நேர் விற்பனையில் மோதிக் கொள்கின்றனர். ரியல் மீ XT செல்போன் இன்று மதியம் 12 மணியளவில் பிளிப்காட் தளத்தில் விற்பனைக்கு வருகிறது. ஆனால் அதே நேரத்தில் ஒப்போ A9 2020 செல்போன் அமேசான் தளத்தில் விற்பனை செய்யப்படுகிறது. எனவே பயனாளர்கள் மத்தியில் செல்போன் வாங்குவதில் கடும் போட்டி நிலவும் என எதிர் பார்க்கப்படுகிறது.

ஒப்போ A5 2020 செல்போன் முக்கிய அம்சங்கள்:

• 6.5 இன்ச் டிஸ்ப்ளே
• குவால்காம் ஸ்னாப்டிராகன் 665 SoC ப்ராஸசர் (Qualcomm Snapdragon 665 SoC)
• அண்ட்ராய்டு 9 பை
• 64 ஜிபி சேமிப்பு வசதி
• 12 மெகாபிக்சல் முதன்மை கேமரா, 8 மெகாபிக்சல் அல்ட்ரா-வைட்-கேமரா, 2 மெகாபிக்சல் மோனோக்ரோம் ஷூட்டர், 2 மெகாபிக்சல் சென்சார் உள்ளிட்ட நான்கு பின்புற கேமராக்கள்
• 8 மெகாபிக்சல் செல்ஃபி கேமரா
• 5000 mah பேட்டரி
• விலை : 4 ஜிபி மாடல் ரூ. 16,990, 6ஜிபி மாடல் ரூ. 19,990 என நிர்ணயிக்கப்பட்டுள்ளது

ரியல் மீ XT செல்போன் முக்கிய அம்சங்கள்:

• 6.4 இன்ச் டிஸ்ப்ளே
• குவால்காம் ஸ்னாப்டிராகன் 712 ப்ராஸசர் (Qualcomm Snapdragon 712)
• அண்ட்ராய்டு 9 பை
• 64 ஜிபி சேமிப்பு வசதி
• 64 மெகாபிக்சல் முதன்மை கேமரா, 8 மெகாபிக்சல் வைட்-கேமரா, 2 மெகாபிக்சல் மேக்ரோ கேமரா, 2 மெகாபிக்சல் சென்சார் உள்ளிட்ட நான்கு பின்புற கேமராக்கள்
• 16 மெகாபிக்சல் செல்ஃபி கேமரா
• 4000 mah பேட்டரி
• விலை : 4 ஜிபி ரேம் மாடல் ரூ. 15,999, 6ஜிபி மாடல் ரூ. 16,999, 8 ஜிபி ரேம் மாடல் ரூ. 18,999 என நிர்ணயிக்கப்பட்டுள்ளது

செல்போன் நிறுவனங்களான ரியல் மீ, ஒப்போ, விவோ, ஒன் பிளஸ் அனைத்து நிறுவனங்களுக்கும் ஒரே உரிமையாளர் என்பது உலகில் பல மக்கள் அறியாத உண்மையாகும் . இன்று வெளியாகும் எந்த செல்போன் விற்பனையில் சாதனைப் படைக்கும் என்பதை பொறுத்திருந்து பார்ப்போம்.