கடந்த வாரம் காணொலிக் காட்சி மூலம் நடைபெற்ற ஆப்பிள் நிறுவனத்தின் உலகளாவிய டெவலப்பர்கள் மாநாட்டில், ஆப்பிள் ரசிகர்கள் பெரிதும் எதிர்பார்த்து காத்திருந்த ஐஓஎஸ் 14, ஐ-பேட் ஓஎஸ் 14, வாட்ச் ஓஎஸ் 7, MacOS உள்ளிட்டவை குறித்த பல முக்கிய அறிவிப்புகள் வெளியிடப்பட்டன.
இந்நிலையில், ஆப்பிள் நிறுவனம் இரண்டு புதிய ஐ-பேட் மாடல்களை வெளியிடவுள்ளதாக தற்போது தகவல் வெளியாகியுள்ளது. அதன்படி 10.8 இன்ச் டிஸ்பிளேவைக் கொண்ட புதிய ஐ-பேட் மாடல் இந்த ஆண்டு இரண்டாம் பாதியில் வெளியிடப்படும் என்று எதிர்பார்க்கப்படுகிறது.
மேலும், 8.5 இன்ச் டிஸ்பிளேவைக் கொண்ட மற்றொரு புதிய ஐ-பேட் மாடல் அடுத்த ஆண்டு தொடக்கத்தில் வெளியாகும் என்றும் ஆப்பிள் நிறுவனம் குறித்த தகவல்களை வெளியிடும் மிங்-சி குவோ தெரிவித்துள்ளார்.