இரண்டாவது காலாண்டில் தொலைதொடர்பு நிறுவனங்களின் லாபம் 5 சதவீதம் உயர்வு!

நாடே முடங்கிய நிலையில் இரண்டாவது காலாண்டில் தொலைதொடர்பு நிறுவனங்களின் லாபம் 5 சதவீதம் உயர்வு கண்டுள்ளது. ஜூன் வரையிலான முதலாவது காலாண்டில் தொலை தொடர்பு நிறுவனங்கள் ஒரு சதவீதம் லாபம் ஈட்டியிருந்தன. தற்போது இரண்டாம் காலாண்டு முடிவுகள் வெளியாகியுள்ளன.

டெல்லி: தொலை தொடர்பு நிறுவனங்களின் செப்டம்பர் வரையிலான இரண்டாவது காலாண்டு முடிவுகள் வெளியாகியுள்ளன. அதில், கோவிட்-19 பெருந்தொற்று காரணமாக நாடே முடங்கிய நிலையில் தொலைதொடர்பு நிறுவனங்களின் லாபம் 5 சதவீதம் உயர்வு கண்டுள்ளது தெரியவந்துள்ளது.

முன்னதாக, ஜூன் வரையிலான காலாண்டில் லாபம் ஒரு விழுக்காடு ஆக காணப்பட்டது. இந்தச் சந்தையில் பார்தி ஏர்டெல், ரிலையன்ஸ் ஜியோ உள்ளிட்டவை ஆதிக்கம் செலுத்துகின்றன.

கரோனா தளர்வுகள் அறிவிக்கப்பட்ட நிலையில் இரண்டாவது காலாண்டில் பார்தி ஏர்டெல்லின் லாபம் 7 சதவீதம் அதிகரித்துள்ளது. இரண்டாம் இடத்தில் உள்ள ஜியோவின் வருமானம் 6 சதவீதம் வரை உயர்வை கண்டுள்ளது.

ஆன்லைன் வகுப்புகள் மூலம் இணைய பயன்பாடு அதிகரிப்பு

ஒரு சதவீத வளர்ச்சியுடன் மூன்றாம் இடத்தில் வோடபோன் ஐடியா நிறுவனங்கள் வருகின்றன. புதிய இணையதள உபயோகிப்பாளர்கள் வரிசையிலும் பார்தி ஏர்டெல் 13.9 மில்லியன் வாடிக்கையாளர்களுடன் முதலிடத்தில் உள்ளது.

அடுத்த இடத்தில் 7.3 மில்லியன் வாடிக்கையாளர்களுடன் ஜியோ இரண்டாம் இடத்தில் உள்ளது. அதேநேரம், வோடபோன் ஐடியா 8 மில்லியன் வாடிக்கையாளர்களை இழந்துள்ளது.