டெல்லி:விமான நிலையங்களில் செக்-இன் செய்ய கூடுதலாக 100 ரூபாய் வசூலிக்கப்படும் என இண்டிகோ நிறுவனம் அறிவிப்பை வெளியிட்டுள்ளது.
விமான நிலையத்தில் செக் இன் செய்ய ரூ.100 வசூல் - இண்டிகோ நிறுவனம்!
பணியாட்களுடன் பயணிகளின் தொடர்பை குறைக்க இணையத்தில் செக்-இன் செய்ய விமான நிறுவனங்கள் அறிவுறுத்தி வருகின்றன. இச்சூழலில் விமான நிலையத்தில் செக்-இன் செய்ய ரூ.100 கூடுதலாக வசூலிக்கப்படும் என இண்டிகோ விமான நிறுவனம் தெரிவித்துள்ளது.
IndiGo to charge Rs 100 for check-in at airport counters
கரோனா தொற்று காரணமாக பயணிகளுடனான தொடர்பை குறைக்கும் முயற்சியில் விமான நிறுவனங்கள் ஈடுபட்டு வருகின்றன. அந்த வகையில், விமான பயணச்சீட்டு முன்பதிவு செய்யும் பயணிகளிடம், முன்கூட்டியே இணையதளங்கள் மூலம் செக்-இன் செய்ய விமான நிறுவனங்கள் அறிவுறுத்தி வருகின்றன.
இச்சூழலில், பயணிகள் சிலர் விமான நிறுவனங்களின் அறிவுறுத்தல்களை பொருட்படுத்தாமல், விமான நிலையங்களில் செக்-இன் செய்ய காத்திருக்கின்றனர். இதைக் கட்டுப்படுத்த, விமான நிலையங்களில் வந்து செக்-இன் செய்பவர்களுக்கு, ரூ.100 வசூலிக்கப்படும் என இண்டிகோ விமான நிறுவனம் அறிவிப்பை வெளியிட்டுள்ளது.