சரிவைக் கண்ட ஆகஸ்ட் மாத ஜி.எஸ்.டி வசூல்

ஜூலை மாதத்தை ஒப்பிடும் போது ஆகஸ்ட் மாத ஜி.எஸ்.டி. வரி வசூல் சுமார் ஆயிரம் கோடி சரிவைச் சந்தித்துள்ளது.

ஆகஸ்ட் மாதத்திற்கான ஜி.எஸ்.டி. வருவாய் குறித்த அறிவிப்பை மத்திய நிதியமைச்சகம் வெளியிட்டுள்ளது. அதன்படி, கடந்த ஜூலை மாதம் ஜி.எஸ்.டி. வருவாய் 87 ஆயிரத்து 422 கோடி ரூபாயாக இருந்த நிலையில், கடந்த ஆகஸ்ட் மாதம் ஜி.எஸ்.டி. வருவாய் 86 ஆயிரத்து 449 கோடி ரூபாயாக சரிந்துள்ளது.

இதில் மத்திய ஜி.எஸ்.டி. வருவாய், 15 ஆயிரத்து 906 கோடி ரூபாயாகவும், மாநில ஜி.எஸ்.டி. வருவாய் 21 ஆயிரத்து 064 கோடி ரூபாயாகவும் உள்ளது. ஒருங்கிணைந்த ஜி.எஸ்.டி. வசூல் 42 ஆயிரத்து 264 கோடி ரூபாயாகவும், செஸ் வரிவசூல் 7 ஆயிரத்து 215 கோடி ரூபாயாகவும் கணக்கிடப்பட்டுள்ளது.

ஜி.எஸ்.டி வசூல் புள்ளி விவரம்

2019ஆம் ஆண்டு ஆகஸ்ட் மாதத்தின் ஜி.எஸ்.டி வசூல் 98 ஆயிரத்து 2020 கோடி ரூபாயாக இருந்த நிலையில், 2020இல் ஆகஸ்ட் மாத வசூல் அதில் 88 விழுக்காடாக மட்டுமே உள்ளது குறிப்பிடத்தக்கது.

இதையும் படிங்க:பங்குச் சந்தையில் ஏற்றம்; உச்ச நீதிமன்ற தீர்ப்பால் ஏர்டெல் பங்குகள் லாபம்