சென்னை: ஆயுத பூஜை, விஜயதசமி பண்டிகை நாள்களில் பொதுமக்கள், சில்லறை வியாபாரிகள், ஆட்டோ ஓட்டுநர்கள் உள்ளிட்ட பல்வேறு தரப்பினர் பூ, பூசணிக்காய், பொரி உள்ளிட்டவற்றைப் படைத்து வழிபடுவது வழக்கம்.
இந்நிலையில் இன்று ஆயுத பூஜை கொண்டாடப்படுகிறது, நாளை விஜயதசமி பண்டிகை வருவதைத் தொடர்ந்து, கோயம்பேடு பூச்சந்தையில் வியாபாரிகள் நல்ல விற்பனையை எதிர்நோக்கி காத்திருக்கின்றனர்.
பூக்கள் வரத்து அதிகமாக இருப்பதால், விலையில் பெரிய அளவு ஏற்றம் இல்லை எனக் கோயம்பேடு வியாபாரிகள் கூறுகிறார்கள். இது குறித்து பூ வியாபாரி பாரதி என்பவர் பேசுகையில், கடந்த ஆண்டை ஒப்பிடும்போது இந்த ஆண்டு விற்பனை சற்று பரவாயில்லை. ஆனால், கரோனாவால் அலுவலகம் சார்ந்த பூஜைகளுக்கு பூ விற்பனை இல்லை. அவர்கள் பெரிய அளவு தற்போது வாங்குவது இல்லை எனத் தெரிவித்தார்.