வரும் ஜன.13ஆம் தேதி 5ஜி சேவைக்கான ஆன்லைன் ஏலம்!

5ஜி சேவைக்கான அலைக்கற்றை ஆன்லைன் ஏலப் பணிகளில் முழு வீச்சாகச் செயல்பட்டு வரும் ஜனவரி 13ஆம் தேதி, மத்திய தொலைத்தொடர்புத்துறை ஏலம் நடத்த உள்ளதாக தகவல் வெளியாகியுள்ளது.

இந்தியாவின் அடுத்த கட்ட நடவடிக்கையாக 2020ஆம் ஆண்டுக்குள் 5ஜி சேவையை நாடு முழுவதும் வழங்க தொழில் துறை நிறுவனங்கள் தயாராகி வருகிறது. அதன் ஒருபகுதியாக அடுத்த ஆண்டு ஜனவரி மாதம் 13ஆம் தேதி அந்த ஏலம் நடைபெறும் என்று தகவல் வெளியாகியுள்ளது. மேலும் ரூ. 4.98 லட்சம் கோடி மதிப்புள்ள 8 ஆயிரத்து 526 மெகாஹெர்ட்ஸ் ஸ்பெக்ட்ரத்தை ஏலம் விடப் போவதாக மத்திய தொலைத் தொடர்புத் துறை அறிவித்துள்ளது.

மத்திய தொலைத் தொடர்புத் துறை, 5ஜி சேவைக்கான அலைக்கற்றை ஆன்லைன் ஏலப் பணிகளில் முழு வீச்சாகச் செயல்பட்டு வருவதாகத் தகவல்கள் கூறுகின்றன.

இந்தியாவில் முதல் முறையாக 5ஜி அலைக்கற்றையை விற்க உள்ளதால், அதன் வேகம் துல்லியம் குறித்து சோதனைகள் நடைபெற்றது. அந்த சோதனையின் முடிவில், தற்போது உள்ள அலைக்கற்றையின் வேகமே 5ஜி சேவைக்குப் போதுமானது என தெரிய வந்ததால், இந்த சேவை விரைவில் அமலுக்கு வரும் என எதிர்பார்க்கப்படுகிறது.

இதையும் படிங்க: நான்காவது காலாண்டில் 4.3 சதவிகிதம் பொருளாதார வளர்ச்சி