வங்கதேசம், வெஸ்ட் இண்டீஸ் ஆகிய அணிகள், அயர்லாந்தில் சுற்றுப்பயணம் மேற்கொண்டு முத்தரப்பு ஒருநாள் கிரிக்கெட் தொடரில் பங்கேற்று வருகின்றன. இதில், வங்கதேசம் - வெஸ்ட் இண்டீஸ் அணிகளுக்கு இடையிலான இரண்டாவது ஒருநாள் கிரிக்கெட் போட்டி டுப்லின் நகரில் நேற்று நடைபெற்றது. இதில், வங்கதேச அணி 8 விக்கெட்டுகள் வித்தியாசத்தில் வெற்றிபெற்றது.
இப்போட்டியில், பாகிஸ்தானை சேர்ந்த அலிம் தார், 200ஆவது ஒருநாள் கிரிக்கெட் போட்டியில் களநடுவராக செயல்பட்டார். இதன் மூலம், ஒருநாள் கிரிக்கெட்டில் 200 போட்டிகளில் நடுவராக செயல்புரிந்த, மூன்றாவது நபர் என்ற சாதனையை படைத்துள்ளார். இதற்கு முன்னதாக, தென்னாப்பிரிக்காவின் ரூடி குயர்ட்சன் (Rudi Koertzen), நியூசிலாந்தின் பில்லி பவுடன் (Billy Bowden) ஆகியோர் இச்சாதனையை படைத்துள்ளனர்.