மலைப்பாதையில் விபத்து: தாய், மகன் உயிரிழப்பு!

திண்டுக்கல்: பழனி கொடைக்கானல் மலைப்பாதையில் இருசக்கர வாகனம் விபத்துக்குள்ளானதில் தாயும், மகனும் சம்பவ இடத்திலேயே உயிரிழந்த சம்பவம் உறவினர்களிடையே சோகத்தை ஏற்படுத்தியுள்ளது.

திண்டுக்கல் மாவட்டம், பழனியை அடுத்துள்ள ராமபட்டினம்புதூர் கிராமத்தைச் சேர்ந்தவர் கருப்புசாமி, ரேகா தம்பதி. இந்தத் தம்பதியின் குழந்தை சிவானந்தம் (5).

தம்பதியர் சிவானந்தத்தை அழைத்துக்கொண்டு இருசக்கர வாகனத்தில் கொடைக்கானல் மலைச்சாலையில் உள்ள மேல்பள்ளம் கிராமத்திற்கு உறவினர் வீட்டிற்குச் சென்றுவிட்டு திரும்பி வந்துகொண்டிருந்தனர்.

அப்போது கொடைக்கானல் மலைச் சாலையில் சவரிக்காடு என்ற இடத்தில் எதிரே வந்த டிப்பர்லாரி இருசக்கர வாகனத்தின் மீது மோதியது

அதில், படுகாயமடைந்த ரேகாவும், சிவானந்தமும் சம்பவ இடத்திலேயே பரிதாபமாக உயிரிழந்தனர்.

இதைக்கண்ட அருகில் இருந்தவர்கள் இது குறித்து உடனடியாக காவல் துறையினருக்குத் தகவல் தெரிவித்தனர்.

தகவலறிந்து சம்பவ இடத்திற்கு விரைந்துவந்த காவல் துறையினர் இருவரையும் மீட்டு பழனி அரசு மருத்துவமனைக்கு சிகிச்சைக்காக அனுப்பிவைத்தனர்.

பின்னர் இது தொடர்பாக காவல் துறையினர் வழக்குப்பதிவு செய்து விசாரணை நடத்திவருகின்றனர்.

மேலும் இருசக்கர வாகன விபத்தில் தாயும், குழந்தையும் உயிரிழந்த சம்பவம் உறவினர்களைச் சோகத்தில் ஆழ்த்தியுள்ளது.

இதையும் படிங்க:தண்டையார்பேட்டையில் கரோனா தொற்று பரவல் குறைந்துள்ளது