ஈரோடு மாவட்டம், முழுவதும் கடந்த 10 நாள்களுக்கும் மேலாக கரோனா தொற்று உறுதி செய்யப்படுவோரின் எண்ணிக்கை அதிகரித்து வருகிறது.தற்போது வெளிமாவட்டங்கள், வெளிமாநிலங்களில் பணிபுரியச் சென்ற பலரும் தங்களது சொந்த ஊருக்கு திரும்பி கொண்டுள்ளனர்.
இதனால், கடந்த சில நாள்களாக குறைந்திருந்த தொற்று பாதிப்பு மாவட்டம் முழுவதும் மீண்டும் அதிகரித்துள்ளது. அதனால், இரண்டு ஆயிரத்திற்கும் மேற்பட்டோர் சந்தேகத்தின் அடிப்படையில் பெருந்துறை கரோனா சிறப்பு மருத்துவமனைக்கு அழைத்துச் செல்லப்பட்டு பரிசோதனை செய்யப்பட்டது.
அதில், 35-க்கும் மேற்பட்டோருக்கு தொற்று உறுதி செய்யப்பட்டு அவர்கள் அனைவரும் மருத்துவமனையில் சிகிச்சை பெற்று வருகின்றனர். இதன் காரணமாக ஈரோடு மாவட்டத்தில் 3 ஆயிரத்து 902 வீடுகள் அமைந்துள்ள பகுதிகள் தனிமைப்படுத்தப்பட்டுள்ளன.
இதனிடையே, கடந்த சில நாள்களில் கரோனா தொற்று உறுதி செய்யப்பட்டு சிகிச்சை பலனின்றி உயிரிழந்தவர்களின் எண்ணிக்கை மூன்றாக அதிகரித்துள்ளது.