புதுச்சேரியில் சட்டப்பேரவை கூட்டம் தொடங்கியவுடன் பேசிய முதலமைச்சர் நாராயணசாமி, "எந்த தலைவர்களையும் பேரவையில் அவமதித்து பேசக்கூடாது என்றும் மறைந்த முன்னாள் தமிழ்நாடு முதலமைச்சர் ஜெயலலிதாவிற்கு சிலை வைக்குமாறு கேட்க அதிமுகவிற்கு உரிமையுள்ளது. ஆனால் கலைஞர் கருணாநிதி பெயரில் அறிவித்த சிற்றுண்டி திட்டம் குறித்து அதிமுக விமர்சிக்கக்கூடாது" என்றார்.
தமிழ்நாடு முன்னாள் முதலமைச்சர் கருணாநிதி மறைந்த பின்பு அவருக்கு சமாதிக்குக்கூட அனுமதி வழங்க அதிமுக மறுத்துள்ளது. ஆனால் புதுச்சேரி அரசு கருணாநிதிக்கு கெளரவம் கொடுத்துள்ளது என்று ஆவேசத்துடன் பேசினார்.