உலகக் கோப்பை ஒருநாள் கிரிக்கெட் போட்டி இங்கிலாந்தில் நடைபெற்றுவருகிறது. இதில்,பாகிஸ்தான் - வெஸ்ட் இண்டீஸ் அணிகளுக்கு இடையிலான இரண்டாவது போட்டி இன்று நாட்டிங்ஹாமில் நடைபெற்றது. இதில், வெஸ்ட் இண்டீஸ் அணி 7 விக்கெட்டுகள் வித்தியாசத்தில் அபார வெற்றிபெற்று, தொடரை வெற்றியுடன் தொடங்கியுள்ளது. இந்நிலையில், யுனிவர்சல் பாஸ் என்றழைக்கப்படும் கெயில் இப்போட்டியில் முக்கியமான சாதனை ஒன்றை படைத்துள்ளார்.
106 ரன்கள் என்ற இலக்குடன் ஆடிய வெஸ்ட் இண்டீஸ் அணியில், தொடக்க வீரராக களமிறங்கிய கெயில் வழக்கம்போல அதிரடியாக ஆடினார். குறிப்பாக, ஹசான் அலி வீசிய நான்காவது ஓவரில் கெயில் தொடர்ந்து இரண்டு சிக்சர்களை பறக்கவிட்டார். இதன் மூலம், உலகக் கோப்பை ஒருநாள் கிரிக்கெட்டில் அதிக சிக்சர்களை விளாசிய தென்னாப்பிரிக்க அணியின் முன்னாள் கேப்டன் டி வில்லியர்ஸின் சாதனையை முறியடித்துள்ளார்.