ஸ்பெயின் தலைநகர் மாட்ரிட்டில், 2019ஆம் ஆண்டுக்கான 'மாட்ரிட் ஓபன்' டென்னிஸ் தொடர் நடைபெற்றுவருகிறது. இதில், நேற்று நடைபெற்ற மகளிர் ஒற்றையர் பிரிவு காலிறுதிப் போட்டியில், முதல் நிலை வீரராங்கனையும், ஜப்பான் வீராங்கனையுமான நவோமி ஒசாகா, சுவிட்சர்லாந்தின் பெலிண்டா பென்சிக்குடன் மோதினார்.
டென்னிஸ்: பெலின்டா பென்சிக்கிடம் வீழ்ந்த நவோமி ஓசாகா! முதல் செட்டை 6-3 என்ற கணக்கில் வென்ற ஒசாகா, இரண்டாவது செட்டை 2-6 என்ற கணக்கில் தோல்வி அடைந்தார். இதனால், ஆட்டத்தின் வெற்றியாளரை தீர்மானிக்கும் மூன்றாவது செட் போட்டியில், பெலிண்டாவின் அசத்தலான ஆட்டத்துக்கு ஈடுகொடுக்க முடியாமல் 5-7 என்ற கணக்கில் ஒசாகா தோல்வியுற்றார். இதன் மூலம், ஒசாகா 6-3, 2-6, 5-7 என்ற கணக்கில் பெலிண்டாவிடம் அதிர்ச்சித் தோல்வி அடைந்து தொடரிலிருந்து வெளியேறினார்.
