சாலையில் மணலை கொட்டி மாட்டுவண்டி தொழிலாளர்கள் மறியல்!

அரியலூர்: நடுரோட்டில் மணலை கொட்டி மாட்டு வண்டியுடன் தொழிலாளர்கள் திடீர் சாலை மறியலில் ஈடுபட்டனர்.

அரியலூர் மாவட்டம் செந்துறை அருகே உள்ள குழுமூர் ஆணைவாரி ஓடையில் மாட்டுவண்டி தொழிலாளர்கள் மணல் அள்ளி கொண்டிருந்தனர்.

இதனை அரியலூர் மாவட்ட தனிப்படை காவல்துறையினர் சுற்றி வளைத்து பிடித்து ஐந்துக்கு மேற்பட்ட மாட்டு வண்டிகளை பறிமுதல் செய்து காவல் நிலையம் கொண்டு சென்றனர்.

இதனால் ஆத்திரமடைந்த மாட்டுவண்டி தொழிலாளர்கள் பொன்பரப்பியில் நடுரோட்டில் மணலை கொட்டி மாட்டு வண்டியுடன் திடீர் சாலை மறியலில் ஈடுபட்டுள்ளனர்.

இதனால் அரியலூர் ஜெயங்கொண்டம் சாலையில் போக்குவரத்து பாதிக்கப்பட்டது.