'பாவ பாவமரிடி' என்ற தெலுங்கு படத்தில் குழந்தை நட்சத்திரமாக அறிமுகமானவர் நடிகர் ஜெயம் ரவி. இதையடுத்து 2001ஆம் கமல்ஹாசன் நடிப்பில் வெளியான ’ஆளவந்தான்’ படத்தில் இவர் உதவி இயக்குநராக பணியாற்றினார்.
பிறகு கதாநாயகனாக தனது தந்தையின் தயாரிப்பிலும், சகோதரர் ராஜா இயக்கத்திலும் வெளியான 'ஜெயம்' படத்தின் மூலம் அறிமுகமானார் ரவி. அத்திரைப்படம் சூப்பர் டூப்பர் ஹிட் அடித்ததால் தனது பெயரை ’ஜெயம் ரவி’ என்று மாற்றி, தொடர்ந்து தமிழ்த் திரையுலகில் நடித்து வந்தார்.
ஆனால் அதன் பின்னர், தொடர்ந்து பல திரைப்படங்கள் ஜெயம் ரவிக்கு கைகொடுக்காமல் போனாலும், தனது விடா முயற்சியைக் கைவிடாமல் நடித்து வந்த ஜெயம் ரவிக்கு 'தனி ஒருவன்' திரைப்படம் ஒரு நல்ல அங்கீகாரத்தை கொடுத்தது. அதைத் தொடர்ந்து அவர் நடித்த படங்கள் அனைத்துமே ஹிட் அடித்து வந்த நிலையில், தற்போது தமிழ் சினிமாவின் தவிர்க்க முடியாத ஹீரோக்களில் ஒருவராக ஜெயம் ரவி மாறியுள்ளார்.
இந்நிலையில் ரவி திரையுலகில் நுழைந்து, இன்றோடு 17 ஆண்டுகள் நிறைவடைந்துள்ளது. இதைக் கொண்டாடும் வகையில் அவரது ரசிகர்கள் காமன் டிபி ஒன்றை வெளியிட்டு தங்களது சமூக வலைதளப் பக்கங்களில் அதனைப் பகிர்ந்து வருகின்றனர். இணையத்தில் இப்புகைப்படம் வைரலாகியுள்ளது.
இதையும் படிங்க :’இது ஸாக் ஸ்னைடர் வெர்சன்!’ - ஜஸ்டிஸ் லீக் டீஸர் வெளியீடு
