புதுச்சேரி:கடந்து இரண்டு நாட்களாக, தொடர்ந்து கனமழை பெய்துவருவதால், தாழ்வானப் பகுதிகளில் மழைநீர் தேங்கியுள்ளது. இதனையடுத்து கிருஷ்ணா நகர், ரெயின்போ நகர், எழில் நகர் போன்ற பகுதிகளில் மழை நீர் முழங்கால் அளவிற்கும், மற்ற இடங்களில் படகு செல்லும் அளவிற்கும் மழைநீர் தேங்கியுள்ளது.
படகு சேவை
இதனால் அப்பகுதியில் உள்ள மக்கள் வீடுகளை விட்டு வெளியே வருவதற்குச் சிரமப்படுகிறார்கள். இந்நிலையில், அப்பகுதி மக்களுக்கு உதவிடும் வகையில் காமராஜ் நகர்ப் பகுதியைச் சேர்ந்த கோபி என்ற இளைஞர் படகைக் கொண்டு வந்து சாலை வெள்ளத்தில் நிறுத்தினார்.
இதனையடுத்து, உதவி தேவையானவர்களைப் படகில் அழைத்துச் சென்று தேவையான இடத்தில் விடுவதும், திரும்பக் கொண்டு விடுவதுமான பணிகளைச் செய்து வருகிறார்.