டெல்லி: ஜி20 மாநாட்டின் 18வது ஆண்டுக் கூட்டம் இன்று டெல்லியில் நடைபெறுகிறது. இந்த ஜி 20 என்ற கூட்டமைப்பு உருவானது எதற்காக என்றால்.. பொருளாதார நெருக்கடியில் சிக்கி தவிக்கும் நாடுகளை கை கொடுத்து தூக்கி விடவும், வரும் காலத்தில் வளர்ச்சிப் பாதையை நோக்கி அந்த நாடுகள் முன்னேற வழிவகை செய்யவும் வேண்டிதான் எனக்கூறலாம்.
ஐக்கிய நாடுகள் அவையின் ஆசிய உறுப்பு நாடுகளில் இந்தியா உட்பட 48 நாடுகள் உள்ளன. இந்த ஒட்டுமொத்த நாடுகளின் பொருளாதாரம் கடந்த 1997 முதல் 98ஆம் ஆண்டுகளில் நிதி நெருக்கடியில் சிக்கி இருந்தது. இதை மீட்டெடுக்க வேண்டும் என்ற நோக்கத்திலும், சர்வதேச பொருளாதார ஒத்துழைப்பு என்பது அனைத்து நாடுகளுக்கும் தேவை என்ற நோக்கத்திலும் ஐ.நா.வின் கூட்டு முயற்சியில் கடந்த 1999ஆம் ஆண்டு ஜி20 நாடுகள் குழு உருவானது.
இதில் நாடுகளின் நிதி அமைச்சர்கள், மத்திய வங்கி தலைவர்களுக்கான முறைசாரா மன்றமாக இருந்த நிலையில் காலப்போக்கில் அது வளர்ச்சி பெற்றது. தொடர்ந்து கடந்த 2007ஆம் ஆண்டு ஆசிய நாடுகளில் ஏற்பட்ட பொருளாதார மந்தநிலையை சரிகட்டும் நோக்கத்தில் ஜி20 குழு மேம்படுத்தப்பட்டது. இதில், உலக அளவில் பணக்கார நாடுகளான அமெரிக்கா உள்ளிட்ட பல நாடுகளையும், ஆசிய நாடுகளின் தலைவர்களையும் கொண்ட பலமிக்க குழுவாக அமைந்தது.
இந்த குழுவின் நோக்கம் ஆரம்பகட்டத்தில் பொருளாதாரம் தொடர்பான பிரச்சனைகளில் மட்டுமே கவனம் செலுத்தி வந்த நிலையில் அது தற்போது விரிவடைந்து, பருவநிலை மாற்றம், சர்வதேச கடன் தொடர்பான விவகாரங்கள், நிலையான எரிசக்தி, பன்னாட்டு நிறுவனங்களுக்கு வரி விதிப்பது உள்ளிட்ட இன்னும் பல பிரச்சினைகள் குறித்து விவாதிக்கிறது.
குறிப்பாக இந்தியாவில் நடக்கும் இந்த 18வது ஜி20 மாநாட்டில் ரஷ்யா-உக்ரைன் போர் குறித்து விவாதிக்கபடும் என எதிர்பார்க்கப்படுகிறது. மேலும் இந்த மாநாட்டில் சீன அதிபர் பங்கேற்காதது பேசு பொருளாக அமைந்துள்ளது. அதோடு பலதரப்பட்ட நிறுவனங்களிடமிருந்து வளரும் நாடுகளுக்கு அதிக கடன்கள், சர்வதேச கடன் கட்டமைப்புச் சீர்திருத்தம், கிரிப்டோகரன்சி மீதான கட்டுப்பாடுகள் ஆகியவற்றை மையமாக வைத்து விவாதிக்கப்படும்.
இந்த ஜி20 மாநாடு ஒரு பூமி, ஒரு குடும்பம், ஒரே எதிர்காலம் என்ற கருத்தை முன்மொழிந்து இந்தியாவில் நடைபெறவுள்ள நிலையில், இந்த கூட்டத்தில் நாட்டின் சுகாதாரம், சுற்றுலா, நிதி உட்பட பல்வேறு திட்டங்கள் குறித்து ஏற்கனவே அமைச்சர்கள் அளவில் மேற்கொள்ளப்பட்ட வரைவுகள் முன்மொழியப்படவுள்ளது. இது நாட்டின் தொழில்நுட்ப முன்னேற்றம், உட்கட்டமைப்பு, மற்றும் திறன்மிக்க மனிதவளம் ஆகியவற்றை இந்தச் சர்வதேச நாடுகள் அறிந்துகொள்ள வழிவகை செய்யும் என எதிர்பார்க்கப்படுகிறது.
ஜி20 நாடுகள் உலகின் 85 விழுக்காடு ஜி.டி.பி.யையும், 75 விழுக்காடு சர்வதேச வர்த்தகத்தையும், 70 விழுக்காடு உலக மக்கள்தொகையையும் உள்ளடக்கி இருக்கிறது என்பது குறிப்பிடத்தக்கது.
எரி சக்தி, திறன் மிக்க மனித வளம் மற்றும் தொழில்நுட்பம் உள்ளிட்ட பல துறைகளில் உலக அளவில் ஆதிக்கம் செலுத்தும் நாடுகளில் 20 நாடுகள் இந்த ஜி20-ல் இடம் பெற்றுள்ளன அவை;
- அர்ஜென்டினா
- ஆஸ்திரேலியா
- பிரேசில்
- கனடா
- சீனா
- பிரான்ஸ்
- ஜெர்மனி
- இந்தியா
- இந்தோனேசியா
- இத்தாலி
- ஜப்பான்
- தென் கொரியா
- மெக்சிகோ
- ரஷ்யா
- சவுதி அரேபியா
- தென்னாப்பிரிக்கா
- துருக்கி
- இங்கிலாந்து
- அமெரிக்கா
- ஐரோப்பிய ஒன்றியம், ஆப்பிரிக்க ஒன்றியம்.
ஜி 20 விருந்தினர்களாக இந்தியாவின் அழைப்பை ஏற்று வந்துள்ள நாடுகள் மற்றும் தலைவர்கள்;
- அர்ஜெண்டீனா ஜனாதிபதி ஆல்பர்டோ பெர்னாண்டஸ்
- இத்தாலி பிரதமர் ஜியோர்ஜியா மெலோனி
- தென்னாப்பிரிக்க அதிபர் சிரில் ராமபோசா
- வங்கதேச பிரதமர் ஷேக் ஹசீனா
- இங்கிலாந்து பிரதமர் ரிஷி சுனக்
- ஜப்பான் பிரதமர் ஃபுமினோ கிஷிடா
- சவுதி அரேபிய இளவரசர் முகமது பின் சல்மான் அல் சவ்
- தென் கொரிய அதிபர் யூன் சுக் யோல்
- எகிப்து அதிபர் அப்தெல் ஃபத்தா
- ஆஸ்திரேலிய பிரதமர் அந்தோனி அல்பானீஸ்
- அமெரிக்க அதிபர் ஜோ பிடன்
- சீன பிரதமர், லீ குவாங்
- ஐக்கிய அரபு எமிரேட்ஸ் அதிபர் ஷேக் முகமது பின் சயீத் அல் நஹ்யான்
- நெதர்லாந்து பிரதமர் மார்க் ரூட்டே
- பிரேசில் அதிபர் லுலா டா சில்வா
- இந்தோனேசியா அதிபர் ஜோகோ விடோடோ
- துருக்கி அதிபர் ரெசெப் தையிப் எர்டோகன்
இதையும் படிங்க:இந்தியாவில் ஜி 20 மாநாடு..! வடகொரியாவில் ரஷ்யா - சீனா பிரதிநிதிகள் பங்கேற்கும் துணை ராணுவ அணிவகுப்பு! என்ன நடக்குது?
