மகாராஷ்டிர மேலவையில் 6 இடங்களுக்கான தேர்தல் கடந்த வாரம் நடைபெற்றது. இதில் ஆளும் மகா விகாஸ் அகாதி கூட்டணி (சிவசேனா, காங்கிரஸ், தேசியவாத காங்கிரஸ்) நான்கு இடங்களை கைப்பற்றியது. பாஜக ஒரே ஒரு இடத்தை மட்டுமே பெற முடிந்தது.
இதுகுறித்து கருத்து தெரிவித்துள்ள மாநில முன்னாள் முதலமைச்சரும், பாஜக தலைவருமான தேவேந்திர ஃபட்னவிஸ், “ மகாராஷ்டிர மேலவை தேர்தல் முடிவுகள் எங்களுக்கு மிகப்பெரிய ஏமாற்றத்தை அளித்துள்ளது. அதிக வெற்றியை எதிர்பார்த்திருந்த நிலையில், ஒரு இடத்தில் மட்டுமே பாஜகவால் வெற்றிபெற முடிந்திருக்கிறது. ஆளும் மூன்று கட்சிகள் கூட்டணியை நாங்கள் தவறாக மதிப்பிட்டுவிட்டோம் “ என்றார்.