உலகத்திற்கு ஏற்ப பாடத்திடங்கள் தேவை - வெங்கையா நாயுடு உரை

புதிதாக உருவாகும் உலக நிலைமைகளுக்கு ஏற்ப பாடப்பிரிவுகளை ஆய்வு செய்யவும் இணைக்கவும் வேண்டும் என குடியரசு துணைத் தலைவர் வெங்கையா நாயுடு தெரிவித்துள்ளார்.

பெங்களூருவில் பிஇஎஸ் (PES) பல்கலைக்கழகத்தின் ஆறாவது பட்டமளிப்பு விழாவில் வெங்கையா நாயுடு(Venkaiah Naidu) சிறப்பு விருந்தினராகப் பங்கேற்றார். இந்நிகழ்ச்சியில் கர்நாடக ஆளுனர் தாவர்சந்த் கெலாட், பிஇஎஸ் பல்கலைக்கழக வேந்தர் டாக்டர் தொரேசாமி உள்ளிட்டோர் கலந்து கொண்டனர்.

விழாவில் உரையாற்றிய துணை குடியரசுத் தலைவர், "நான்காவது தொழில் புரட்சி நமது கதவுகளைத் தட்டுகிறது. அதனைச் சிறப்பாகப் பயன்படுத்திக் கொள்ள நமது பல்கலைக்கழகங்கள் புதிதாக உருவாகி வரும் 5ஜி தொழில்நுட்பங்கள், செயற்கை நுண்ணறிவு, ரோபோ, உயிரி தொழில்நுட்பம் போன்ற துறைகளில் மாணவர்களுக்குப் பயிற்சி அளிக்க வேண்டும்.

தனியார் நிறுவனங்களும், பல்கலைக்கழகங்களும் இந்த வாய்ப்பை நன்கு பயன்படுத்திக் கொண்டு இந்தியா தற்சார்பு அடைவதையும் விண்வெளித் துறையில் தொழில்நுட்ப ரீதியில் முன்னேறுவதையும் நோக்கிப் பணியாற்ற வேண்டும்.

பொருளாதாரத்தின் பல்வேறு பிரிவுகளில் ட்ரோன் தொழில்நுட்பம் ஏராளமாகப் பயன் தருவதை கவனத்திற்குக் கொண்டுவந்த வெங்கையா நாயுடு, உலகளாவிய ட்ரோன் மையமாக மாறும் ஆற்றலை இந்தியா கொண்டிருக்கிறது.

இந்தத் துறையில் திறன் வாய்ந்த மனித சக்தியை உருவாக்குவதற்கு அழைப்பு விடுத்த அவர், ட்ரோன் தொழில்நுட்பம் குறித்த பாடப்பிரிவுகளை தொடங்குவதற்கு பிஇஎஸ் பல்கலைக்கழகம் தீவிரமாகப் பரிசீலித்து வருவது குறித்து மகிழ்ச்சி" எனப் பேசினார்.

மேலும், இந்திய மொழிகளில் பாட நூல்களை எழுத வேண்டுமென்று அவர் வேண்டுகோள் விடுத்தார்.

இதையும் படிங்க:கடவுளாக திகழ்கிறார் பிர்சா முண்டா - பிரதமர் மோடி புகழாரம்