டெல்லி: டெல்லியில் உள்ள புகழ்பெற்ற வரலாற்று நினைவுச்சின்னமான குதுப்மினார் இஸ்லாமிய மன்னரால் கட்டப்பட்டது. இந்த குதுப்மினார் பல இந்து கோயில்களை இடித்துவிட்டு கட்டப்பட்டது என்றும், கோயில்களில் இருந்த சிலைகள் இப்போதும் குதுப்மினாரில் இருப்பதாகவும் இந்து அமைப்புகள் கூறி வருகின்றன.
குதுப்மினாரின் பெயரை "விஷ்ணு ஸ்தம்பம்" என்று மாற்ற வேண்டும் என்றும் இந்துக்கள் தரப்பில் வலியுறுத்தப்பட்டு வருகிறது. இதனிடையே சில நாட்களுக்கு முன்பு மத்திய கலாசாரத் துறை செயலர் கோவிந்த் மோகன், குதுப்மினாருக்கு சென்றார். அவருடன் வரலாற்று ஆய்வாளர்கள், தொல்லியல் துறை அலுவலர்கள் சென்றனர். குதுப்மினார் வளாகத்தை சுற்றிப் பார்த்த கோவிந்த் மோகன், உண்மைகளைக் கண்டறிய, அங்கு கள ஆய்வு மேற்கொள்ள தொல்லியல் துறைக்கு உத்தரவிட்டதாகவும் தெரிகிறது.