ஆம்புலன்ஸில் அநியாய கட்டணம் - தாயின் உடலை 5 கி.மீ. தோளில் சுமந்த மகன்!

மேற்கு வங்கத்தில் உடல் நலக்குறைவால் உயிரிழந்த தாயை ஆம்புலன்சில் கொண்டு செல்ல 3 ஆயிரம் ரூபாய் பணம் இல்லாததால் மகனும், அவரது தந்தையும் 5 கிலோ மீட்டர் தூரம் தோளில் சுமந்து சென்ற சம்பவம் அரங்கேறி உள்ளது.

ஜல்பைகுரி:மேற்குவங்கம் மாநிலம், ஜல்பைகுரி பகுதியைச் சேர்ந்தவர், ராம்பிரசாத் தேவன். கூலித் தொழிலாளியான இவர் குடும்பத்தினருடன் வசித்து வருகிறார். திடீர் மூச்சுத் திணறல் உள்ளிட்ட உடல் நலப் பிரச்னைகளால் அவதிப்பட்ட தாயை தனியார் மருத்துவமனையில் ராம் பிரசாத் அனுமதித்துள்ளார்.

சிகிச்சைப் பலனின்றி அவரது தாய் உயிரிழந்தார். தாயின் சடலத்தை வீட்டுக் கொண்டு செல்ல ஆம்புலன்ஸ் உதவியை ராம்பிரசாத் நாடியுள்ளார். வழக்கமாக கேட்கும் தொகையை விட அதிகமாக 3ஆயிரம் ரூபாய் ஆம்புலன்ஸ் ஓட்டுநர்கள் கேட்டதாக கூறப்படுகிறது. ஆம்புலன்ஸ் வசதிக்குப் போதிய பணம் இல்லாததால் தாயின் சடலத்தை ராம் பிரசாத்தும் அவரது தந்தையும் தோளில் சுமந்து கொண்டு 5 கிலோ மீட்டர் தூரம் நடந்து சென்றனர்.

இதுகுறித்த தகவல் வெளியான நிலையில், சம்பவம் குறித்து மாவட்ட நிர்வாகத்தின் கவனத்திற்குக் கொண்டு செல்லப்பட்டு ஆம்புலன்ஸ் வசதி ஏற்படுத்தித் தராத மருத்துவமனை மற்றும் அதிக தொகை விதித்த ஆம்புலன்ஸ் ஓட்டுநர் மீது உரிய நடவடிக்கை எடுக்கப்படும் என மாவட்ட அரசு மருத்துவக் கல்லூரி மற்றும் மருத்துவமனை கண்காணிப்பாளர் தெரிவித்துள்ளார்.

இதையும் படிங்க:"இந்திய அணி ஹாக்கி உலகக்கோப்பை வென்றால் தலா ரூ.1 கோடி பரிசு" - ஒடிஷா CM!