ராணுவ வீரரின் மார்பகத்தில் சிக்கிய கையெறி குண்டு அகற்றம் - உக்ரைன் மருத்துவர்கள் அசத்தல்!

ரஷ்ய வீரர்கள் வீசிய கையெறி குண்டு உக்ரைன் ராணுவ வீரரின் மார்பகத்தில் சிக்கிக் கொண்ட நிலையில் அறுவை சிகிச்சை மூலம் அகற்றி உக்ரைன் ராணுவ மருத்துவர்கள் வியக்க வைத்துள்ளனர். வெடிக்காத கையெறி குண்டை உக்ரைன் மருத்துவர்கள் அநாயசமாக அறுவை சிகிச்சை மூலம் அகற்றி வியக்க வைத்தனர்.

கீவ்:ரஷ்யா - உக்ரைன் இடையிலான போர் தொடங்கி ஓராண்டை நெருங்க உள்ளது. உக்ரைன் நகரங்களில் ரஷ்ய வீரர்கள் தொடர் தாக்குதலில் ஈடுபட்டு வருகின்றனர். போரால் இரு நாடுகளிலும் பெரிய அளவில் பொருள் மற்றும் உயிர் சேதங்கள் நிகழ்ந்து வருகின்றன. கோடிக்கணக்கிலான மக்கள் தங்கள் அடையாளங்களை இழந்து அகதிகளாக அண்டை நாடுகளில் தஞ்சமடைந்து வருகின்றனர்.

இந்நிலையில், உக்ரைன் பாதுகாப்பு அமைச்சகம் வெளியிட்டுள்ள செய்தி பல்வேறு தரப்பினரை ஆச்சரியத்தில் ஆழ்த்தி உள்ளது. உக்ரைன் ராணுவ வீரரின் மார்பகத்தில் பாய்ந்து வெடிக்காமல் இருந்த ரஷ்ய ராணுவத்தின் கையெறி குண்டை, வெற்றிகரமாக அறுவை சிகிச்சை மூலம் அகற்றியதாக தெரிவிக்கப்பட்டுள்ளது.

இதுகுறித்து உக்ரைன் துணை பாதுகாப்பு அமைச்சர் ஹன்னா மிலியர் தன் ஃபேஸ்புக் பக்கத்தில் "இதயத்தில் ஏற்படும் ஒவ்வொரு காயமும் ஆபத்தானது அல்ல" எனப் பதிவிட்டுள்ளார். அசால்ட் காலிபர் ஆயுதங்களை கொண்டு ரஷ்ய ராணுவ வீரர்கள் வீசிய VOG 25 என்ற கையெறி குண்டு உக்ரைன் வீரரின் மார்பகத்தை துளைத்தது.

கையெறி குண்டு வெடிக்காமல், அதிர்ஷ்டவசமாக உக்ரைன் வீரர் உயிர் பிழைத்தார். இந்நிலையில் அறுவை சிகிச்சை மூலம் மார்பகத்தில் உள்ள கையெறி குண்டை அகற்றும் முயற்சியில் உக்ரைன் ராணுவ வீரர்கள் ஈடுபட்டனர். உக்ரைன் ராணுவ மருத்துவர் அண்ட்ரில் வெர்மா தலைமையிலான மருத்துவர்கள், அறுவை சிகிச்சை செய்து வீரரின் மார்பகத்தை துளைத்த கையெறி குண்டை வெற்றிகரமாக அகற்றினார்.

அதிர்ஷ்டவசமாக 2-வது முறையாக உக்ரைன் ராணுவ வீரர் உயிர் பிழைத்தது ஆச்சரியத்தில் ஆழ்த்தியது. அறுவை சிகிச்சையின் போது குண்டு வெடிக்கலாம் என்ற ஆபத்து நிலவிய நிலையில், மருத்துவர்களை பாதுகாக்க போதிய கவசங்களுடன் ராணுவ வீரர்கள் தயார் நிலையில் இருந்தனர்.

மேலும் மின் உறைதல் வகையில் அறுவை சிகிச்சை செய்யும் போது, மின் தூண்டல் ஏற்பட்டு வெடிகுண்டு வெடிக்கலாம் என கருதிய மருத்துவர்கள் நவீன யுக்தியில் வீரரின் மார்பகத்தை துளைத்த கையெறி குண்டை அகற்றி உள்ளனர்.

இதையும் படிங்க:MV Ganga Vilas: சொகுசு கப்பலின் டிக்கெட் விலை இவ்வளவா?