புது டெல்லி: தேர்வுகள், கல்வி ஆண்டு குறித்த வழிகாட்டுதல்களை அனைத்து பல்கலைக்கழகங்களுக்கும் கல்லூரிகளுக்கும் பல்கலைக்கழக மானிய ஆணையம் இன்று (ஜூலை.17) அனுப்பியுள்ளது.
அதன்படி, யுஜிசி செயலர் ராஜ்னிஷ் ஜெயின், பல்கலைக்கழகங்களின் துணைவேந்தர்கள், கல்லூரிகளின் முதல்வர்களுக்கு அனுப்பியுள்ள கடிதத்தில், "2021-2022ஆம் கல்வி ஆண்டின் முதல் ஆண்டு படிப்புகளுக்கான சேர்க்கை, செப்டம்பர் 30ஆம் தேதிக்குள் முடிக்கப்பட வேண்டும். மீதமுள்ள காலியிடங்களை நிரப்ப சேர்க்கைக்கான கடைசி தேதி அக்டோபர் 31ஆம் தேதி ஆகும். அக்டோபர் 1ஆம் தேதிக்குள் முதல் செமஸ்டர் தொடங்கப்படும்" எனத் தெரிவிக்கப்பட்டுள்ளது.