ஜம்மு-காஷ்மீரில் 2 தீவிரவாதிகள் சுட்டுக்கொலை

ஜம்மு-காஷ்மீர் மாநிலம் பாரமுல்லா மாவட்டத்தில் ஜெய்ஷ்-இ-முகமது இயக்கத்தை சேர்ந்த 2 தீவிரவாதிகள் சுட்டுக்கொல்லப்பட்டனர்.

ஸ்ரீநகர்:ஜம்மு-காஷ்மீர் மாநிலம் பாரமுல்லா மாவட்டத்தில் உள்ள சோபூர் பகுதியில் பாதுகாப்புப் படையினர் நேற்று (ஆகஸ்ட் 31) நடத்திய துப்பாக்கிச்சூட்டில் ஜெய்ஷ்-இ-முகமது (JeM) இயக்கத்தை சேர்ந்த 2 தீவிரவாதிகள் சுட்டுக்கொல்லப்பட்டனர். அந்த பகுதியில் தீவிரவாதிகள் பதுங்கி இருப்பதாக கிடைத்த தகவலையடுத்து, இந்த தாக்குதல் நடத்தப்பட்டுள்ளது.

இதுகுறித்து சோபூர் போலீசார் தரப்பில், "இந்த துப்பாக்கிச்சூடு நேற்றிரவு நடந்தது. அப்போது தீவிரவாதிகள் நடத்திய தாக்குதலில் பொதுமக்களில் ஒருவருக்கு காயம் ஏற்பட்டது. துப்பாக்கிச்சூட்டில் கொல்லப்பட்ட இருவரும் தடை செய்யப்பட்ட ஜெய்ஷ்-இ-முகமத் இயக்கத்தை சேர்ந் முகமது ரஃபி மற்றும் கைசர் அஷ்ரஃப் என்பது தெரியவந்துள்ளது. இருவரும் பல பயங்கரவாத குற்ற வழக்குகளில் தொடர்புடையவர்கள். குறிப்பாக சோபூர் பகுதியில் பொதுமக்கள் மீது தாக்குதல் நடத்த திட்டமிட்டிருந்தனர்" எனத் தெரிவிக்கப்பட்டது.

இதையும் படிங்க:முன்விரோதம் காரணமாக காவலர் கொலை