உயர்மட்ட பேச்சுவார்த்தை நடத்த லடாக் செல்லும் ராணுவத் தளபதி

வரும் 16ஆம் தேதி லடாக் செல்லும் ராணுவத் தளபதி அங்கு மூத்த அலுவலர்களிடம் உயர்மட்ட பேச்சு வார்த்தை நடத்தவுள்ளார்.

இந்தியா-சீனா எல்லைப் பகுதியில் நிலவிவரும் மோதல் போக்கு குறித்து இரு தரப்பிலும் ராணுவப் பேச்சு வார்த்தை நடைபெற்று வருகிறது. லடாக் எல்லைப் பகுதியில் கடந்த ஆண்டு சீனா பெரும் படையைத் திரட்டிவந்து முற்றுகையிட்டதை அடுத்து இரு நாட்டு ராணுவத்தினருக்கும் இடையே மோதல் வெடித்தது.

இதில் இந்திய வீரர்கள் 25 பேர் உயிரிழந்த நிலையில், சில மாதங்கள் போர் மேகம் சூழந்திருந்தது. இந்நிலையில், இரு நாட்டு ராணுவத் தலைமைகளும் பேச்சு வார்த்தை நடத்தியதில் பாங்காங்க் ஏரிப் பகுதியிலிருந்து படை விலக்கப்பட்டது. அதேவேலை லடாக்கை ஒட்டிய எல்லைப்பகுதியில் சீனாவின் படைகள் தொடர்ந்து முகாமிட்டுள்ளன.

எனவே, ராணுவத் தளபதி முகுந்த் நரவனே வரும் 16ஆம் தேதி லடாக் எல்லைப் பகுதிக்கு பயணம் மேற்கொள்கிறார். அங்கு இந்திய படைகளின் நிலையை ஆய்வு செய்யும் அவர், மூத்த அலுவலர்களிடம் உயர்மட்டப் பேச்சு வார்த்தை நடத்துவார் எனவும் கூறப்படுகிறது.

இதையும் படிங்க:புகைச்சலுக்கு மத்தியில் பிரதமர் மோடியை சந்தித்த யோகி - பின்னணி என்ன?