காசியாபாத்: உத்தரப்பிரதேச மாநிலம் காசியாபாத்தில், மாவட்ட மருத்துவமனைக்கு முன்பு உள்ள மேம்பாலத்தில் நேற்றிரவு(ஜூன் 29) இரண்டு இளைஞர்கள் குடிபோதையில் அதிவேகமாக மோட்டார் இருசக்கர வாகனத்தில் சென்றுள்ளனர். அப்போது, மேம்பாலத்தில் தூய்மைப்பணியில் ஈடுபட்டிருந்த அன்மோல் என்பவர் மீது மோதியுள்ளனர். இந்த விபத்தில் மூவரும் மேம்பாலத்திலிருந்து கீழே விழுந்துள்ளனர்.
தகவலறிந்து சம்பவ இடத்திற்கு விரைந்த போலீசார், ரத்த வெள்ளத்தில் கிடந்த மூவரையும் மீட்டு மருத்துவமனையில் அனுமதித்தனர். ஆனால், அவர்கள் ஏற்கெனவே இறந்துவிட்டதாக மருத்துவர்கள் தெரிவித்துள்ளனர்.