புதுச்சேரி: புதுச்சேரி முன்னாள் முதலமைச்சர் நாராயணசாமி காங்கிரஸ் கட்சி அலுவலகத்தில் செய்தியாளர்களை சந்தித்துப் பேசினார்.
அப்போது, "புதுச்சேரியில் டெபாசிட் இழந்த பாஜக நியமன சட்டப்பேரவை உறுப்பினர்களை வைத்து ஆட்சியை கலைத்ததன் காரணமாக, பல்வேறு கட்சிகளில் இருந்து பலரும் விலகி காங்கிரஸ் கட்சியில் இணைய வருகின்றனர். காங்கிரஸ் கட்சியின் முதுகில் குத்திவிட்டு பாஜகவில் இணைந்தவர்கள், அதற்கான பலனைத் தற்போது அனுபவித்து வருகிறார்கள். தேர்தலில் நிற்க தொகுதி கூட இல்லாத நிலை அவர்களுக்கு ஏற்பட்டுள்ளது. முதலமைச்சர் நாற்காலி தேடி போனவர்கள் நடுத்தெருவில் நிற்கிறார்கள்.
’முதுகில் குத்தி...முதலமைச்சர் நாற்காலி தேடியவர்கள் நடுத்தெருவில் நிற்கிறார்கள்’ - நாராயணசாமி விமர்சனம்