கர்நாடகா:நடிகர் ரஜினிகாந்த், தற்போது இயக்குனர் நெல்சன் திலீப் குமார் இயக்கத்தில் ஜெயிலர் படத்தில் நடித்து வருகிறார். ஜெயிலர் படத்தின் இறுதி கட்ட படப்பிடிப்பு தற்போது கர்நாடக மாநிலம் மங்களூருவில் நடந்து வருகிறது. ஜெயிலர் படத்தின் பல்வேறு காட்சிகளில் ரஜினிகாந்த் நடித்து வருகிறார்.
கடந்த சனிக்கிழமை மகா சிவராத்திரி விழாவை முன்னிட்டு பெங்களூரு சென்ற நடிகர் ரஜினிகாந்த், அங்கு வாழும் கலை அமைப்பின் நிறுவனர் ஸ்ரீ ஸ்ரீ ரவிசங்கர் நடத்தி வரும் ஆசிரமத்தில் நடந்த சிவராத்திரி விழாவில் கலந்து கொண்டார். மனைவி லதாவுடன் ஒன்றாக அமர்ந்து நடிகர் ரஜினிகாந்த் தியானம் செய்யும் புகைப்படங்கள் சமூக வலைதளங்களில் வெளியாகி வேகமாக பரவியது.
இந்நிலையில் தனது அண்ணன் சத்திய நாராயணாவின் 80வது பிறந்தநாள் விழாவில் நடிகர் ரஜினிகாந்த் கலந்து கொண்டு கலந்து கொண்டு அவரை வாழ்த்தி உள்ளார். அவருக்கு ரஜனிகாந்த் தங்க காசுகாளால் அபிஷேகம் செய்வது போன்ற புகைப்படங்கள் சமூக வலைதளங்களில் வேகமாக பரவி வருகிறது.