Sonia Gandhi : சோனியா காந்திக்கு திடீர் உடல்நலக் குறைவு! மருத்துவமனையில் அனுமதி! என்ன காரணம்?

Sonia Gandhi admitted to hospital : காங்கிரஸ் முன்னாள் தலைவர் சோனியா காந்தி மருத்துவமனையில் அனுமதிக்கப்பட்டு உள்ளதாக தகவல் வெளியாகி உள்ளது.

டெல்லி : நாடாளுமன்ற காங்கிரஸ் தலைவர் சோனியா காந்தி டெல்லியில் உள்ள சார் கங்காராம் மருத்துவமனையில் அனுமதிக்கப்பட்டு உள்ளதாக தகவல் வெளியாகி உள்ளது. லேசான காய்ச்சல் அறிகுறி காரணமாக சோனியாக காந்தி மருத்துவமனையில் அனுமதிக்கப்பட்டு உள்ளதாக தகவல் கூறப்பட்டு உள்ளது.

மருத்துவர்களின் கண்காணிப்பில் சோனியா காந்தி வைக்கப்பட்டு உள்ளதாகவும், தற்போது சீரான உடல் நலத்துடன் இருப்பதாகவும் தகவல் கூறப்பட்டு உள்ளது. கடந்த ஆண்டு கரோனா காரணமாக சோனியா காந்தி மருத்துமனையில் அனுமதிக்கப்பட்ட நிலையில், அவரது உடல் நலன் குறித்த செய்திகள் வெளியாகி வேகமாக பரவின.

சோனியா காந்தி உடல் நலம் குறித்து காங்கிரஸ் கட்சி தரப்பில் இருந்தும் எந்தவொரு தகவலும் வெளியிடப்படாத நிலையில், அவரது ஆதரவாளர்கள் மற்றும் கட்சித் தொண்டர்களிடையே பரபரப்பை ஏற்படுத்தி உள்ளது. கடந்த சில ஆண்டுகளில் தனது உடல் குறித்த பரிசோதனைகளை மேற்கொள்ள சோனியா காந்தி அடிக்கடி அமெரிக்கா சென்று இருந்தது குறிப்பிடத்தக்கது.

இதையும் படிங்க :ராகுலை தொடர்ந்து சர்ச்சையில் சிக்கிய அசோக் கெலாட்: மூன்று வாரங்களில் விளக்கம் அளிக்க நீதிமன்றம் உத்தரவு!