பாதுகாப்புத்துறை இணை அமைச்சர் ஸ்ரீபத் நாயக் கர்நாடக மாநிலத்திற்கு குடும்பத்தினருடன் பயணம் செய்தபோது விபத்தில் சிக்கினார். இந்த விபத்தில் அவரது மனைவி மற்றும் உதவியாளர் உயிரிழந்த நிலையில், படுகாயமடைந்த நாயக் கோவாவில் உள்ள அரசு மருத்துவக் கல்லூரியில் சிகிச்சை பெற்றுவருகிறார்.
அவரது உடல்நிலையை டெல்லி எய்ம்ஸ் மருத்துவக்குழு தொடர்ந்துகண்காணித்துவருகிறது. அத்துடன், அமைச்சரின் உடல் நிலைக்குறித்தும் கோவா முதலமைச்சர் பிரமோத் சாவந்த் கேட்டறிந்தார். இந்நிலையில், ஸ்ரீபத் நாயக் உடல் நிலை தற்போது நல்ல முன்னேற்றம் கண்டுள்ளதாகவும், வென்டிலெட்டர் சிகிச்சையிலிருந்து அவர் வெளியே கொண்டுவரப்பட்டார் எனவும் தெரிவிக்கப்பட்டுள்ளது.