மசாஜ் செய்யச் சொன்ன காவல் அதிகாரியின் வீடியோ லீக்!

பீகாரின் சஹர்சா மாவட்டத்தில் உள்ள தர்ஹார் அவுட்-போஸ்ட்டின் காவல் அதிகாரி ஒருவர், சிறையில் அடைக்கப்பட்டுள்ள தனது மகனை விடுவிப்பது தொடர்பாக உதவி கேட்கச் சென்ற ஏழைப் பெண்ணை உடல் மசாஜ் செய்ய சொல்லும் வீடியோ வெளியாகியுள்ளது.

பீகார்:தர்ஹார் அவுட்-போஸ்ட் காவல் நிலையத்தில், காவல் அதிகாரியாக வேலை செய்பவர் ஷசிபூஷன் சின்ஹா. அவரிடம் ஒரு வழக்கில் கைதாகி சிறையில் அடைக்கப்பட்ட தனது மகனை விடுவிக்கச்சொல்லி பெண் ஒருவர் சென்றுள்ளார். அவருடைய மகனை விடுவிப்பதற்கு தான் உதவுவதாக கூறிய ஷசிபூஷன் சின்ஹா தான் சொல்வதை செய்தால் மட்டுமே அது முடியும் எனக் கூறியுள்ளார்.

இதற்கு ஒப்புக்கொண்ட அந்த பெண்ணை உடல் மசாஜ் செய்யச்சொல்லி தகாத செயலில் ஈடுபடுத்தியுள்ளார். இந்த வீடியோ தற்போது வெளியாகி பரபரப்பை ஏற்படுத்தியுள்ளது.

மேலும் காவல் அதிகாரி ஒரு வழக்கறிஞரிடம் தொலைபேசியில் பேசுவதும் அந்த வீடியோவில் பதிவாகியுள்ளது. சிறையில் அடைக்கப்பட்டுள்ள அந்த பெண்ணின் மகனை விடுவிக்க அவருக்கு உதவுமாறு பேசுகிறார்.

சின்ஹா வழக்கறிஞரிடம் பேசும் போது, “அந்தப் பெண் ஏழை என்றும், சில வழக்கில் சிறையில் அடைக்கப்பட்ட மகனின் விடுதலைக்கு அவளுக்கு உதவி தேவை என்றும்; தங்களுக்கு எவ்வளவு பணம் தேவைப்படுகிறதோ, அதை தான் அனுப்புகிறேன் என்றும் கூறியுள்ளார். மேலும் இந்த ஏழைப் பெண்ணுக்கு உதவி செய்ய தான் 10,000 ரூபாய் வரை செலவு செய்வேன் எனவும் காவல் அதிகாரி கூறுகிறார்.

மேலும், “ ஆதார் அட்டைகள், தொலைபேசி எண்கள் மற்றும் பெண்ணின் முகவரி உள்ளிட்ட தொடர்புடைய ஆவணங்களுடன் இரண்டு பெண்களை அவருடைய இடத்திற்கு அனுப்புவதாகவும் சின்ஹா ​​வழக்கறிஞரிடம் கூறுகிறார்.

அந்த வீடியோவில், ஒரு பெண் SHO-க்கு உடல் மசாஜ் செய்து கொண்டிருந்தாள், மற்றவள் சின்ஹாவுக்கு முன்னாள் ஒரு நாற்காலியில் அமர்ந்திருந்தாள்.

இந்த வீடியோவின் நம்பகத்தன்மையை உறுதி செய்த காவல் அதிகாரி (எஸ்டிபிஓ) சந்தோஷ் குமார், "நான் வீடியோவை முன்பே பார்த்தேன். இந்த விவகாரம் குறித்து ஏற்கெனவே விசாரணை நடத்தப்பட்டு, அதற்கான அறிக்கை காவல்துறை கண்காணிப்பாளரிடம் சமர்ப்பிக்கப்பட்டது. இது தொடர்பாக நடவடிக்கை எடுக்கப்படும்” என்றார்.

இதையும் படிங்க:அயோத்தியில் ராமர் கோயில் கட்டுவதற்கான ரதயாத்திரை - 52 பேர் மீதான வழக்கு ரத்து