ஆந்திரா மாநிலம், கடப்பா மாவட்டத்தைச் சேர்ந்தவர் வெங்கடசிவா ரெட்டி. இவர் சித்தவதம் திகுவபெட்டா பகுதியில் தனது தந்தைக்குத் திதி கொடுக்கச் சென்றுள்ளார். இந்நிகழ்ச்சியில், வெங்கடசிவாவின் 10 நண்பர்கள் கலந்துகொண்டனர்.
ஆற்றில் மூழ்கி 7 பேர் மாயம்
பின்னர், வெங்கடசிவா உள்பட 11 பேர் பெண்ணா நதிக்குச் சென்றனர். அவர்களில் வெங்கடசிவா, சோமசேகர், யஷ்வந்த், தருண், ஜெகதீஷ், ராஜேஷ், சதீஷ், சன்னு ஆகிய எட்டு பேரும் ஆற்றில் குளிக்கச் சென்றனர்.
அப்போது, எதிர்பாராதவிதமாக அவர்கள் அனைவரும் நீரில் மூழ்கி காணாமல்போனார்கள். இதையடுத்து, வெங்கட சிவா மட்டும் மிகுந்த சிரமத்துடன் ஆற்றிலிருந்து வெளியே வந்தார். இது குறித்து காவல் துறையினருக்குத் தகவல் தெரிவிக்கப்பட்டது.
இருவர் சடலமாக மீட்பு
தகவலறிந்து சம்பவ இடத்திற்கு வந்த காவல் துறையினர் நீச்சல் வீரர்களின் உதவியுடன் இருவரைச் சடலமாக மீட்டனர். மற்ற ஐந்து பேரையும் தொடர்ந்து தேடிவருகின்றனர்.
இதையும் படிங்க:மரக்காணம் தொடர் மழையில் மூழ்கிய தரைப்பாலம்!
