தனியார் ஊழியாரை கடத்தி சென்ற கொள்ளை கும்பல் கைது

ஓசூர் அருகே தனியார் ஊழியரை கடத்தி சென்ற மூன்று பேர் சேர்ந்த கொள்ளை கும்பல் கைது செய்யப்பட்டனர்.

கிருஷ்ணகிரி மாவட்ம் ஓசூர் ஏரித்தெரு ராகவேந்திரா பகுதியைச் சேர்ந்தவர் புஷ்கர் பால் சிங் (28). இவர் அசோக் லே லேண்ட் யூனிட் 2ல் மேலாளராக பணியாற்றி வருகிறார். கடந்த 6ஆம் தேதி இரவு பாகலூர் சாலையோர கடையில் சாப்பிட சென்றார். அப்போது, அங்கு வந்த ஓசூரை சேர்ந்த இரு இளைஞர்கள் தங்களை அறிமுகம் செய்துகொண்டு பேசி பழகினர்.

மேலும் புஷ்கர் பால் சிங்கை வீட்டில் இறக்கி விடுவதாக கூறி தங்களது பைக்கில் கர்நாடகா மாநிலத்திற்கு அழைத்து சென்றனர். அங்கு இரு இளைஞர்களை வரவழைத்து காரில் அவரை ஏற்றி பணம் கேட்டும் புஷ்பர் பால் சிங்கை தாக்கியுள்ளனர்.

சிங்கின் மொபைல் ஃபோனிலிருந்து 5 லட்சத்து 93 ஆயிரம் ரூபாயை தங்களது வங்கி கணக்கிற்கு மாற்றிக்கொண்டனர். பின்னர், கடந்த 9ஆம் தேதி மைசூர் – ஊட்டி சாலையில் புஷ்கரை இறக்கிவிட்டு தப்பி சென்றது. அங்கிருந்து, ஓசூர் வந்த அவர், ஹட்கோ காவல் நிலையத்தில் புகார் செய்தார். இந்நிலையில் நேற்று மூன்று பேர் கைது செய்யப்பட்டனர். இதில் மற்றொருவரை தேடிவருகின்றனர்.

இதையும் படிங்க: கொடியங்குளம் கலவரம்: 'கர்ப்பிணிப் பெண்ணை பூட்ஸ் காலால் உதைச்சாங்க' - பத்திரிக்கையாளரின் நேரடி சாட்சியங்கள்!