புதுச்சேரியில் சட்டப்பேரவை தேர்தல், வரும் ஏப்ரல் 6ஆம் தேதி நடைபெறவுள்ள நிலையில், தேர்தல் பணிகள் விறுவிறுப்பாக நடைபெற்றுவருகிறது. மொத்தமுள்ள 30 தொகுதிகளில் பாஜக கூட்டணியில் உள்ள என்.ஆர். காங்கிரசுக்கு 16 இடங்களும் அதிமுக - பாஜகவிற்கு 14 இடங்களும் ஒதுக்கப்பட்டுள்ளன.
இதுவரை கூட்டணி கட்சிகளின் தொகுதிப் பங்கீடு குறித்து அதிகாரபூர்வ அறிவிப்பு வெளியிடப்படவில்லை. இந்நிலையில் என்.ஆர் காங்கிரஸ் கட்சியின் தலைவர் ரங்கசாமி தட்டாஞ்சாவடி தொகுதியில் போட்டியிடுவதற்காக விவிபி நகரில் உள்ள கூட்டுறவுச் சங்க பதிவாளர் அலுவலகத்தில்இன்று (மார்ச். 15)வேட்புமனு தாக்கல் செய்தார்.