ஹைதராபாத்:சர்வதேச மகளிர் தினம் மார்ச் 8ஆம் தேதி உலகம் முழுவதும் கொண்டாடப்படுகிறது. இந்த நாளை முன்னிட்டு உலகின் மிகப்பெரிய ஃபிலிம் சிட்டியான ராமோஜி ஃபிலிம் சிட்டியில் பெண்களுக்கான சிறப்பு சலுகை கட்டண மாதம் அறிவிக்கப்பட்டுள்ளது. அந்த வகையில் மார்ச் 1ஆம் தேதி முதல் மார்ச் 31ஆம் தேதி வரை ’Women’s Month Special' ஆஃபரை ராமோஜி ஃபிலிம் சிட்டி அறிவித்துள்ளது.
இதுகுறித்து ராமோஜி ஃபிலிம் சிட்டி செய்தித் தொடர்பாளர் ஈடிவி பாரத் ஊடகத்துக்கு தெரிவித்ததாவது, ’Women’s Month Special' ஸ்பெஷல் ஆஃபரில் ஃபிலிம் சிட்டியை சுற்றி பார்க்க வரும் பெண்கள் தங்களுடன் ஒரு பெண் அல்லது சிறுமியை உடன் அழைத்து வரலாம். ஆனால், அவர்களிடம் ஒரு டிக்கெட்டிக்கான பணம் மட்டுமே வசூலிக்கப்படும். உடன் வரும் மற்றொருவருக்கு அனுமதி இலவசமாகும்.
பெண்கள் தங்கள் உடன் பணிபுரிபவர்கள் உடனோ அல்லது அவர்கள் தோழியர் உடனோ ஒரு மகிழ்ச்சியான பொழுதை செலவிடுவதற்காக இந்த சலுகையை அறிவிக்கப்பட்டுள்ளது. ஃபிலிம் சிட்டிக்கு வரும் பெண்கள் கண்டுகளிக்க பிரம்மாண்டமான திரைப்பட செட்கள், அழகான விதவிதமான தோட்டங்கள் மற்றும் பொங்கும் நீரூற்றுகள், மனதை கொள்ளை கொள்ளும் பறவைகள் மற்றும் வண்ணத்துப்பூச்சி பூங்காக்கள், போன்சாய் தோட்டம் மற்றும் அட்வெஞ்சர் சாகசங்கள் தயார் நிலையில் உள்ளன.