டெல்லி:இன்று உலக வரைபடத்தில் தனிநாடாக அறியப்படும் வங்கதேசம் முன்னாளில் கிழக்கு பாகிஸ்தானுடன் இணைக்கப்பட்டிருந்தது. பாகிஸ்தான் ராணுவத்தினரால் ஒடுக்குமுறைக்கு உள்ளாக்கப்பட்டு, இனப் படுகொலைகளுக்கும் ஆளானது வங்கதேசம்.
இதற்கு எதிர்ப்பு தெரிவித்து இந்திய அரசு 1971ஆம் ஆண்டு பாகிஸ்தான் ராணுவத்திற்கு எதிராகப் போரிட்டது. இதற்கு வங்க தேசமும் ஆதரவு அளித்தது. 13 நாள்கள் நடைபெற்ற இந்தப் போரில் இந்தியா வெற்றிபெற்றது. மேலும், பாகிஸ்தான் ராணுவத் தளபதி ஜெனரல் அமீர் அப்துல்லா கான் நியாசி, தனது 93 ஆயிரம் துருப்புகளுடன் இந்தியாவிடம் சரணடைந்தார்.
இந்திய பாகிஸ்தானிற்கு எதிரான போரில் வெற்றிகண்டு வங்க தேசம் சுதந்திர நாடாக உதயமான தினம் இன்று. இதனைக் கௌரவிக்கும் வகையில், இந்தியா ஒவ்வொரு ஆண்டும் டிசம்பர் 16ஆம் தேதி விஜய் திவாஸ் அல்லது வெற்றி தினமாக கொண்டாடிவருகிறது.
அந்த வகையில் இன்று கொண்டாடப்படும் வெற்றி தினத்திற்கு பாதுகாப்புத் துறை அமைச்சர் ராஜ்நாத் சிங், உள் துறை அமைச்சர் அமித் ஷா ஆகியோர் வாழ்த்து தெரிவித்துள்ளனர்.
ராஜ்நாத் சிங் தனது ட்விட்டர் பக்கத்தில், "1971 போரில் ஒரு புதிய கதையை துணிச்சலாக எழுதிய வீரர்களை நாடு எப்போதும் நினைவில் வைத்திருக்கும். இந்திய ராணுவத்தின் வீரம் மற்றும் துணிச்சலுக்கு வணக்கம் செலுத்துகிறேன்.
தீப்பந்தத்துடன் பிரதமர் மோடி 1971 போரில் வீரர்களின் தியாகம் அனைவருக்கும் உத்வேகம் அளிக்கிறது. தேசம் எப்போதும் அவர்களை வணங்கும்" என்றார்.
அமித் ஷா தனது ட்விட்டர் பக்கத்தில், "இந்த நாளில் இந்திய ராணுவம் உலக வரைபடத்தில் ஒரு வரலாற்று மாற்றத்தை ஏற்படுத்தியது. 1971ஆம் ஆண்டில் இந்த நாளில், இந்திய ராணுவம் மனித சுதந்திரத்தின் உலகளாவிய மதிப்புகளைப் பாதுகாத்தது. வரலாற்றில் தங்க எழுத்துக்களால் பொறிக்கப்பட்ட இந்த வெற்றி ஒவ்வொரு இந்தியருக்கும் பெருமைசேர்க்கும்" எனக் கூறினார்.
போர் நினைவிடத்தில் தலைவர்கள் பிரதமர் நரேந்திர மோடி வெற்றி தினத்தில் டெல்லியிலுள்ள போர் நினைவிடத்தில் மலர் வளையம் வைத்து மரியாதை செலுத்தினார்.
இதையும் படிங்க:1971 இந்தியா-பாகிஸ்தான் போரில் உயிரிழந்தவர்களின் நினைவிடத்தில் பிரதமர் மோடி!
