ராஜஸ்தான் அமைச்சரவை மாற்றம் நிறுத்திவைக்க வாய்ப்பு

தற்போது கோவிட் பிந்தைய சுகாதார பிரச்சினைகளிலிருந்து மீண்டுவரும் முதலமைச்சர் அசோக் கெலாட்டுக்கு மருத்துவர் அறிவுரை வழங்கியுள்ள நிலையில், ராஜஸ்தான் அமைச்சரவை மாற்றம் நிறுத்திவைக்கப்பட வாய்ப்புள்ளது.

ஜெய்பூர்:ராஜஸ்தான் அமைச்சரவை மாற்றம், விரிவாக்கம் ஆகியவற்றைக் குறிக்கும் வகையில், அம்மாநில முதலமைச்சர் அசோக் கெலாட்டின் சிறப்புப் பணி அலுவலர் திங்களன்று தகவல் வெளியிட்டார்.

கெலாட்டின் பிந்தைய கோவிட் சுகாதார பிரச்சினைகள் குறித்து பேசிய சிறப்புப் பணி அலுவலர் லோகேஷ் சர்மா, “கோவிட்டுக்கு பிந்தைய விளைவுகளைக் கருத்தில்கொண்டு, மருத்துவர்களின் ஆலோசனையின் முன்னெச்சரிக்கை நடவடிக்கையாக முதலமைச்சர் மக்களை நேரில் சந்திக்க முடியாது.

காணொலி மாநாடு, காணொலி அழைப்புகள் மூலமாக மட்டுமே சந்திப்புகள் நடைபெறும். ஒரு மாதம் அல்லது இரண்டு மாதங்களுக்கு அவர் காணொலி மாநாட்டோடு மட்டுமே கூட்டங்களை நடத்த வேண்டும் என்று மருத்துவர்கள் கூறியுள்ளனர்.

காணொலி வாயிலான கூட்டங்கள் மூலம் துறை கூட்டங்கள், மறுஆய்வுக் கூட்டங்களும் நடத்தப்படுகின்றன.

கரோனா தொடர்பாக ஒரு அசாதாரணமான முறையில் கூட்டங்கள் நடத்தப்பட்டுள்ளன, சுமார் 15-16 மாதங்களில், சுமார் 355 காணொலி மாநாடுகள் நடத்தப்பட்டுள்ளன" என்று கூறினார்.

இந்த அறிக்கை மிகவும் எதிர்பார்க்கப்பட்ட அமைச்சரவை மாற்றம் தொடர்பாக ஒரு கேள்வியை எழுப்பியுள்ளது.

ராஜஸ்தான் காங்கிரஸ் தலைவர் கோவிந்த் சிங் டோட்டாஸ்ரா சனிக்கிழமையன்று மாநிலத்தில் அமைச்சரவை மறுசீரமைப்பு நடைபெறும் என்று கூறியதுடன், கட்சியின் மாநில நிர்வாகத்தில் எந்த பிரச்சினையும் இல்லை என்று வலியுறுத்தினார்.

"ராஜஸ்தானில் மறுசீரமைப்பு நடக்கும். அஜய் மக்கேன் ஜி (ராஜஸ்தானுக்கு காங்கிரஸ் பொறுப்பாளர்) கூறியதுபோல், மாநிலத்தில் ஒரு மறுசீரமைப்பு நடைபெறும்" என்று அமைச்சரவை மறுசீரமைப்பு குறித்து கேட்டபோது டோட்டாஸ்ரா செய்தியாளர்களிடம் கூறினார்.