புதுச்சேரி சட்டப்பேரவையின் தற்காலிக சபாநாயகராக, ராஜ்பவன் தொகுதியின் என்.ஆர் காங்கிரஸ் உறுப்பினர் லட்சுமி நாராயணன் நியமிக்கப்பட்டுள்ளார். முதலமைச்சர் ரங்கசாமி பரிந்துரையின்பேரில் அதற்கான உத்தரவை துணை நிலை ஆளுநர் பிறப்பித்தார்.
இந்த நிலையில், வரும் மே 24, 26 ஆகிய தேதிகளில் எதாவது ஒரு நாளில் சட்டப்பேரவையின் தற்காலிக சபாநாயகராக லட்சுமி நாராயணன் பதவி ஏற்பார் எனத் தெரிகிறது. இதைத்தொடர்ந்து அனைத்து சட்டப்பேரவை உறுப்பினர்களும் பதவி ஏற்கவுள்ளனர். தொடர்ந்து புதிய சபாநாயகர், துணை சபாநாயகர் தேர்தல் நடைபெறவுள்ளது.