கரோனா தடுப்பூசி வீணாவது குறைப்பு: சுகாதாரப் பணியாளர்களுக்கு மோடி பாராட்டு

சென்னை: கரோனா தடுப்பூசி வீணாவதை தடுத்து முன்மாதிரியை உருவாக்கும் சுகாதாரப் பணியாளர், செவிலியர்களுக்கு பிரதமர் நரேந்திர மோடி பாராட்டு தெரிவித்துள்ளார்.

இதுதொடர்பாக பிரதமர் மோடி தனது ட்விட்டர் பக்கத்தில் கேரள முதலமைச்சர் பினராயி விஜயன் தெரிவித்த கருத்தை மேற்கோள்காட்டி, "தடுப்பூசி மருந்து வீணாவதை குறைக்க நமது சுகாதார பணியாளர்கள், செவிலியர்கள் ஒரு முன் மாதிரியை ஏற்படுத்தியுள்ளது நல்ல விஷயம். கோவிட்-19க்கு எதிரான போராட்டத்தை வலுப்படுத்துவதில், தடுப்பூசி மருந்து வீணாவதை குறைப்பது மிகவும் முக்கியமானது’’ என்று குறிப்பிட்டுள்ளார்.