உலகப் பல்கலைக்கழகத் தரவரிசையில் இடம்பிடித்து புதுச்சேரி பல்கலைக்கழகம் சாதனை!

க்யூ எஸ் உலகப் பல்கலைக்கழக இடையிலான தரவரிசையில், புதுச்சேரி பல்கலைக்கழகம் இடம் பெற்று வரலாற்று சாதனை பெற்றுள்ளது.

இதுதொடர்பாக புதுச்சேரி பல்கலைக்கழகம் வெளியிட்டுள்ள செய்திக்குறிப்பில், " க்யூ எஸ் உலகப் பல்கலைக்கழக தரவரிசையானது, பல்கலைக்கழகத்தின் பல முக்கிய பணிகள், அதாவது கல்வியாண்டு தேர்ச்சி விகிதம், பல்கலைக்கழகத்தின் தலைமையின் அணுகுமுறை, ஆசிரியர்-மாணவர் விகிதம், ஆராய்ச்சி கட்டுரைகள், சர்வதேச ஆசிரியர்கள்- மாணவர்கள் விகிதம் போன்ற ஆறு கடுமையான செயல்திறன் குறிகாட்டிகளுடன் தரவரிசை பட்டியல், 2022 சமீபத்தில் வெளியிட்டது.

இதில், புதுச்சேரி பல்கலைக்கழகம் 801 முதல் 1000 வகையினங்களுக்கு இடையில், தர வரிசைப் பெற்ற உலகின் முதல் 1,000 பல்கலைக்கழகங்களில் இடம்பெற்றுள்ளது.

க்யூ எஸ் உலகப் பல்கலைக்கழக இடையிலான தரவரிசையில், புதுச்சேரி பல்கலைக்கழகம் இடம் பெற்று வரலாற்று சாதனை பெற்றுள்ளது. இந்த தரவரிசையில் 2022 இல் 22 பல்கலைக்கழகங்கள், நிறுவனங்கள் மட்டுமே இந்திய அளவில் இடம்பெற முடிந்தது.

இதில் புதுச்சேரி பல்கலைக்கழகம் ஆராய்ச்சி, கற்பித்தல், அர்ப்பணிப்பு, ஆசிரியர்களின் ஆராய்ச்சி கட்டுரை போன்ற செயல்திறன் குறிகாட்டிகளில், மிகச் சிறந்த மதிப்பெண் பெற்று சாதனை பெற்றுள்ளது.

க்யூ எஸ் உலகப் பல்கலைக்கழக தரவரிசையானது, 2014 முதல் அதன் தரவரிசையை அறிமுகப்படுத்தி வெளியிட்டு வருகிறது. இதில் புதுச்சேரி பல்கலைக்கழகம் 2018 முதல் பங்கேற்று வருகிறது.

முன்னதாக க்யூ எஸ் ஆசியா தரவரிசையில் 301-350 வகைப்பிரிவிலும், பிரிக்ஸ் பல்கலைக்கழக தரவரிசையில் 211-220 வகைப்பிரிவிலும், கடந்த நான்கு ஆண்டுகளாகத் தொடர்ந்து வெற்றிகரமாகத் தரவரிசையில் இடம்பிடித்தது வருகிறது.

மேலும் உலகளவில் புதுச்சேரி பல்கலைக்கழகத்தின் தரத்தினை உயர்த்தும் நோக்கத்தில் தொடர்ந்து பல்வேறு தரவரிசையில் பங்கேற்று வருகிறது. இத்தகைய சாதனையைப் படைக்க உறுதுணையாக இருந்த ஆசிரியர்கள், ஆராய்ச்சி அறிஞர்கள், அலுவலர்கள், ஊழியர்கள், மாணவர்களுக்கு புதுச்சேரி பல்கலைக்கழக துணைவேந்தர் பேராசிரியர் குர்மீத் சிங் நன்றி தெரிவித்துள்ளார்" என, அதில் குறிப்பிடப்பட்டுள்ளது.

இதையும் படிங்க: பேஸ்புக் நேரலை மூலம் கரோனா விழிப்புணர்வு ஏற்படுத்திய மாவட்ட ஆட்சியர்!