டெல்லி: தலைநகர் டெல்லி மாநகராட்சி தேர்தல் இன்று(டிச.4) காலை 8 மணிக்கு தொடங்கி நடைபெற்று வருகிறது. இந்த தேர்தலில் ஆம் ஆத்மி, பாரதிய ஜனதா கட்சி, இந்திய தேசிய காங்கிரஸ் உள்ளிட்ட பிரதான கட்சிகளின் வேட்பாளர்கள் களத்தில் உள்ளனர். மொத்தமுள்ள 250 வார்டுகளுக்கான தேர்தல் பிரசாரம் டிசம்பர் 2-ம் தேதி ஓய்ந்தது. கடந்த தேர்தலில் பாஜக மாநகராட்சியை கைப்பற்றியிருந்தது.
டெல்லியில் நிலவும் கடும் குளிரையும் பொருட்படுத்தாமல் காலை முதலே வாக்காளர்கள் நீண்ட வரிசையில் காத்திருந்து தங்களது ஜனநாயக கடமையை பதிவு செய்து வருகின்றனர். முதல்முறையாக வாக்களிக்கும் இளம் வாக்காளர்கள் மகிழ்ச்சியுடன் வாக்களித்தனர்.