டெல்லி: முன்னாள் பிரதமர் ராஜீவ் காந்தியின் 78ஆவது பிறந்தநாள் இன்று (ஆக. 20) கொண்டாடப்பட்டு வருகிறது. இதை முன்னிட்டு நாடு முழுவதும் அவருக்கு பல்வேறு அரசியல் கட்சியினரும், பொதுமக்களும் மரியாதை செலுத்தி வருகின்றனர். அந்த வகையில், டெல்லியில் உள்ள அவரது நினைவிடத்தில் காங்கிரஸ் மக்களவை உறுப்பினர் ராகுல் காந்தி, காங்கிரஸ் பொதுச்செயலாளர் பிரியங்கா காந்தி ஆகியோர் இன்று காலையில் மரியாதை செலுத்தினர்.
அவர்களுடன் மக்களவை எதிர்கட்சித் தலைவர் மல்லிகார்ஜுன கார்கே, பிரியங்கா காந்தியின் கணவர் ராபர்ட் வதோரா, மாநிலங்களவை உறுப்பினர் கேசி வேணுகோபால் ஆகியோரும் ராஜீவ் காந்தியின் நினைவிடத்தில் மரியாதை செலுத்தினர். காங்கிரஸ் தலைவர் சோனியா காந்தி, கரோனா தொற்று பாதிப்பால் சிகிச்சை பெற்று வரும் நிலையில், அவர் மரியாதை செலுத்த வருகை தரவில்லை.