புதுச்சேரியில் குட்கா உள்ளிட்ட போதைப்பொருள்கள் விற்பனை செய்ய தடைசெய்யப்பட்டுள்ளது. இந்நிலையில் ரெயின்போ நகர் பகுதியில் குட்கா, ஹான்ஸ் உள்ளிட்ட போதைப்பொருள்கள் விற்பனை செய்யப்படுவதாக பெரியக்கடை காவல் துறையினருக்குத் தகவல் கிடைத்தது.
அத்தகவலின்பேரில் காவல் ஆய்வாளர்கள் கண்ணன், முத்துக்குமார் தலைமையிலான குற்றப்பிரிவு காவல் துறையினர், சிறப்பு அதிரடிப்படை காவல் துறையினர், அப்பகுதியில் உள்ள நோட்டுப் புத்தகக் கடையில் சோதனையிட்டனர்.
அங்கு விற்பனைக்கு வைக்கப்பட்டிருந்த குட்கா உள்ளிட்ட போதைப்பொருள்களைப் பறிமுதல்செய்து, மகேந்திரன் என்பவரைக் கைதுசெய்தனர்.