டெல்லி:ஐஐடி காரக்பூரில் டாக்டர் சியாமா பிரசாத் முகர்ஜி மருத்துவ அறிவியல் மற்றும் ஆராய்ச்சி நிறுவனத்தை காணொலி வாயிலாக இன்று (பிப்ரவரி 23) பிரதமர் மோடி தொடங்கிவைக்கிறார்.
மேலும், மேற்கு வங்க ஆளுநர், மத்திய கல்வியமைச்சர், மேற்கு வங்க கல்வியமைச்சர் பங்கேற்கும் ஐஐடி காரக்பூரின் 66ஆவது பட்டமளிப்பு விழாவில் பிரதமர் கலந்துகொள்வார் என பிரதமர் அலுவலகம் தெரிவித்துள்ளது.
டாக்டர் சியாமா பிரசாத் முகர்ஜி மருத்துவ அறிவியல் மற்றும் ஆராய்ச்சி நிறுவனம், பல்நோக்கு மருத்துவமனை ஆகிய இரண்டும் மத்திய கல்வி அமைச்சகத்தின் உதவியுடன் ஐஐடி காரக்பூரில் அமைக்கப்பட்டுள்ளது.