ஒருவர் செயல்திறன் மிக்கவராக திகழ புத்தகங்களை மீண்டும் மீண்டும் படிக்க வேண்டும்

ஒருவர் செயல்திறன் மிக்கவராக திகழவும், பயனுள்ள நபராக விளங்கவும் வேதங்கள், உரைகள், புத்தகங்களை மீண்டும் மீண்டும் படிக்க வேண்டும் என்று பிரதமர் நரேந்திர மோடி வலியுறுத்தினார்.

அகமதாபாத்: குஜராத் மாநிலம் அகமதாபாத் அருகே உள்ள நவபாரத் சாகித்ய கோயில் சார்பில் ஏற்பாடு செய்யப்பட்டிருந்த 'கல்மனோ கார்னிவல்' எனும் புத்தகக் கண்காட்சியின் தொடக்க விழாவில் பிரதமர் நரேந்திர மோடி காணொலி வாயிலாக கலந்துகொண்டு உரையாற்றினார். அப்போது பேசிய அவர், "கல்மனோ கார்னிவல் நிகழ்ச்சிக்கு மனமார்ந்த வாழ்த்துக்கள். நவ்பாரத் சாகித்ய கோயில் தொடங்கிய பாரம்பரிய புத்தக கண்காட்சி ஒவ்வொரு ஆண்டும் சிறப்புப் பெற்று வருகிறது. புதிய மற்றும் இளைய எழுத்தாளர்களுக்கான தளமாக விளங்குகிறது. அத்துடன் குஜராத்தின் இலக்கியத்தையும் அறிவையும் விரிவுப்படுத்த உதவுகிறது.

புத்தகங்கள் மற்றும் உரைகள் ஆகிய இரண்டும் நமது கல்வி போதனையின் அடிப்படைக் கூறுகள். புத்தகங்கள், ஆசிரியர்கள், இலக்கிய உருவாக்கம் ஆகியவற்றில் குஜராத் வரலாற்று சிறப்புடையது. இது போன்ற புத்தகக் கண்காட்சிகள் குஜராத்தின் இளைஞர்கள் உட்பட ஒவ்வொரு பகுதி மக்களையும் சென்றடைய விரும்புகிறேன். அமிர்தப் பெருவிழாவின் போது புத்தகக் கண்காட்சி நடைபெறுவது, அனைவரது கவனத்தையும் ஈர்க்கிறது. ஏனென்றால் சுதந்திரப் போராட்டத்தில் மறக்கப்பட்ட அத்தியாயங்களை நம் நாட்டிற்கு வழங்கி வருகிறோம்.

ஒருவர் செயல்திறன் மிக்கவராக திகழவும், பயனுள்ள நபராக விளங்கவும் வேதங்கள், உரைகள் மற்றும் புத்தகங்களை மீண்டும் மீண்டும் படிக்க வேண்டும். இணையதளத்தின் உதவியை மக்கள் நாடிக் கொண்டிருக்கும் அதேவேளையில், இது மிகவும் முக்கியமானது புத்தகங்கள். நமது தகவலுக்கான முக்கிய ஆதாரமாக தொழில்நுட்பம் திகழ்கிறது என்பதில் சந்தேகத்திற்கு இடமில்லை. ஆனால் புத்தகங்களுக்கும், புத்தகங்களை படிப்பதற்கும் இது மாற்று வழியல்ல. நமது மனதில் கருத்துரு உள்ள போது அதை ஆழமாக பதிவு செய்ய மூளை வேலை செய்து புதிய பரிமாணத்தை ஏற்படுத்துகிறது. புதிய ஆராய்ச்சி மற்றும் கண்டுபிடிப்புகளுக்கான வழிவகைகளை உருவாக்குகிறது. இவற்றில் நம்முடைய சிறந்த நண்பனாக புத்தகங்கள் திகழ்கின்றன.

குறிப்பாக, மாறிவரும் உலகச் சூழலில் புத்தகம் படிக்கும் பழக்கம், மிகவும் முக்கியமானது. புத்தகங்கள் நேரடியாகவோ அல்லது மின்னணு வகையிலோ இருந்தாலும் அதைப் படிக்க வேண்டும்.அவற்றின் முக்கியத்துவத்தை புரிந்துகொள்ள வேண்டும்" என்று தெரிவித்தார்.

இதையும் படிங்க:நல்லிணக்கம் வலுப்பெறட்டும் - பிரதமர் ஓணம் வாழ்த்து