பீகார்: கதிஹாரில் உணவில் விஷம் கலந்த சம்பவம் வெளிச்சத்திற்கு வந்துள்ளது. கோடா காவல் நிலையத்திற்கு உட்பட்ட விஷாரியா கிராமத்தில் சில மாதங்களுக்கு முன்பு படுகொலை செய்யப்பட்ட ஷ்ரத்தாவிற்காக இரங்கல் கூட்டம் நடத்தப்பட்டது. பிப்.6 ஆம் தேதி ஏற்பாடு செய்யப்பட்டிருந்தது. அதில், 250-க்கும் மேற்பட்டோர் பங்கேற்றனர். நிகழ்ச்சியில் பங்கேற்றவர்களுக்கு உணவருந்திய பிறகு வயிற்று வலி, வாந்தி உள்ளிட்ட உடல் நலக்குறைவால் 150 பேர் மருத்துவமனையில் அனுமதிக்கப்பட்டனர்.
இதனைத்தொடர்ந்து மேலும் பலருக்கும் உடல் நிலை மிகவும் மோசமாகியது. இதைத்தொடர்ந்து அக்கிராமத்தில் முகாமிட்ட மருத்துவர்கள் பாதிக்கப்பட்ட பொதுமக்களை பரிசோதித்ததில் அவர்கள் சாப்பிட்ட உணவில் விஷம் கலந்திருந்தைக் கண்டறிந்தனர்.